11
1 Khrih nundan ka cawn vekin nannih khalin i cawng ve uh.Ref 11.1 1 Kor 4:16; Fili 3:17;
Lukhuh Awk Ding Thu
2 Ka lo zirhsinmi thuzirhnak nan thlun ih keimah khalin hngilh lo ruangah ka lo lawm a si.
3 Asinan nan theih dingih ka duhmi cu: Mi hmuahhmuah ih lu cu Khrih a si; nupi ih lu cu a pasal a si ih Khrih ih lu cu Pathian a si, timi hi a si.
4 Cuhrangah misenpi hmaiah thla a cam, asilole profet bangin thu a phuan tikah a lu a khuhtu mipa cu Khrih mualphotertu a si.
5 Sikhalsehla misenpi hmaiah lukhuh lo in thla a cam, asilole profet bangin thu a phuangtu nunau cu a pasal mualphotertu a si ve. Cuvek nunau cu a lu met òhehtu nunau bangtuk a si, an dang aw lo.
6 Nunau in a lu a khuh lo ahcun a sam tan òheh lawlaw seh. Nunau hrangah cun lukolh le samtan òheh cu ningzakza a si ruangah a lu khuh sawn seh.
7 Mipa cun a lu khuh a òul lo, ziangahtile Pathian ih hmuihmel le sunlawinak langtertu a si. Asinan nunau cu mipa sunlawinak langtertu a si.Ref 11.7 Sem 1:26-27;
8 Ziangahtile mipa cu nunau ihsin tuahmi a si lo, nunau sawn kha mipa ihsin tuahmi a si.Ref 11.8-9 Sem 2:18-23;
9 Mipa cu nunau hrangih tuahmi a si lo, nunau sawn kha mipa hrangih tuahmi a si.
10 Curuangah vancungmi pawl ih ruangah nunau cun a lu khuh seh, cuticun thuneihnak hnuai ah a um ti kha a langter ding.
11 Asinan Bawipa sungih kan pawlkomnak ahcun nunau cu amah bul in um ding a si lo; mipa khal a dang tein um ding a si cuang lo.
12 Ziangahtile nunau cu mipa ihsin tuahmi a si vekin mipa khal nunau sung ihsin a suakmi a si ve. Cule Pathian in ziang hmuahhmuah a semsuah òheh a si.
13 Misenpi hmaiah lu khuh lo in nunau in Pathian hnenih thlacam cu a mawi nan ti maw? Nanmah tein ruat hnik uh.
14 Leilungtlun thil umdan ahhin mipa in sam saupi zuah cu ningzakza a si, ti a lang;
15 asinain nunau hrangah sam sau cu a sunlawinak a si. A sam cu a lu khuhnak hrangah a si.
16 Sikhalsehla pakhatkhat in hi thu a el duh asile kam khat lawng ka sim ding: Kanmah lakah siseh, Pathian ih kawhhran pawl lakah siseh, cumi siar lo nunphung dang zianghman kan nei lo.
Bawipa Ih Zanriah
(Mat 26:26-29; Mar 14:22-25; Luk 22:14-20)
17 A tanglam ih ka lo zirh dingmi thu ahcun ka lo lom thei lonak a um: Ziangahtile pumkhawmnak ih nan tonkhawm caan hi thil òha hnakin thil òha lo sawn a si.
18 A hmaisabik ah nan pumkhawm tikah burkhat le burkhat rem aw lo in an um tiah mi in, in sim. Himi hi a diknak zawn a um ding tiah ka zum.
19 (Thudik theihnak ah a dikmi le dik lomi bur dangdang ih um cu a òhathnemnak a um ve.)
20 Asinan hmun khatih nan pumkhawm tikih nan ei in mi cu Bawipa ih Zanriah a si nawn lo.
21 Ziangahtile cuti nanmah ih bul rawl nan ei ciar tikah mi hrekkhat cu rilrawng in an um ih mihrek cu nan ei in tam tuk ih a rit tiangin nan ri.
22 Einak le innak ah inn nan nei lo maw? Asilole Pathian ih kawhhran hmuhsuam ih mifarah pawl mualpho in umter hi nan duh sawn maw si? Hibangtuk thu ahhin ziangtin in ti ding, tiah so in zum? Ka lo lawm hai ding maw? Lawm lamlam hlah!
23 Ziangahtile ka lo zirhsinmi thu hi Bawipa ih hnen ihsin ka ngahmi a si. Bawipa Jesuh in Amah an zuar zan ah sanghlom pakhat a lak ih,
24 Pathian hnenih lungawi thu a sim hnuah a phel ih, “Himi hi nan hrangih ka pekmi ka taksa a si. In theih ringringnak dingah ei uh,” tiah a ti.
25 Cubangtuk òhiamòhiam in, zanriah an ei òheh hnuah khuat hai a lak ih, “Hi hai cu ka thisen ih nemhngetmi Pathian ih thukam thar a si. Nan in tinte keimah in theih ringringnak ah tuah uh,” tiah a ti.Ref 11.25 Suah 24:6-8; Jer 31:31-34;
26 A tican cu hi sang nan ei tin le hi hai nan in tinte Bawipa a rakir lai hlan lo a thihnak thu nan phuang tinak a si.
27 Cuti a si ruangah zozo khal Bawipa ih hmin siatnak dingah zoh mawi lo in Bawipa ih sang a ei ih a hai a intu cu Bawipa ih taksa le thisen parah sualnak a tuah a si.
28 Curuangah zokhal hi sang a ei hlan le hi hai a in hlanah amah le mah cek awta seh.
29 Zianghrangah tile hi sang a ei tik le hi hai a in tikah Bawipa ih taksa ih tican a theih lo ahcun a ei a in tikah thuòhennak a parah a tuahcih a si.
30 Hiti nan si ruangah nanmah lakah mi tampi cu nan na, nan òawnòai, cule mihrek cu thihnak tiang nan tong.
31 Hmaisabik ah kanmah le kanmah kan cekfel awta a si ahcun Pathian thuòhennak kan parah a thleng lo ding.
32 Sikhalsehla Pathian thuòhennak kan parah a thleng ih Amah ih in simhrin hi leikhawvel thawn siatral tlangta lo dingih in duhsaknak ruangah a si.
33 Curuangah ka u le ka nau tla, Bawipa ih Zanriah hmang tlang dingih nan pumkhawm tikah pakhat le pakhat hngak aw uh.
34 Zokhal a ril a rawn ahcun a inn ah eita seh. Cuti vekih nan pumkhawm ahcun Pathian thuòhennak nan tong lo ding. Cule thuhla dang pawl cu ka ra thlen tikah kan ruat tlang leh ding.