KORIN
(1 Corinthians)
Kawhhran Hnenih Paul Cakuat Pakhatnak
Thuhmaihruai
Korin khua Khristian hnenih Paul cakuat pakhatnak hi Paul in Korin khua ih a din suahmi kawhhran sungah hnaihnawhnak le buainak a um ruangih a nganmi a si. Culai ah Korin khua cu Grik ram ih khua tum zet pakhat a si ih Rom acozah ih ukmi Akhaia peng khuapi a si. Pursum leilawnnak lamah le nunphung daan lam khalah a hmin a thang zet. Cule sualralnak le biaknak phun dangdang lam khalah a hmin a thang zet fawn.
Paul in a ngansan duh bikmi cu kawhhran sungih a ummi òhenòhek awknak le sualralnak, nupa sualnak, òhitawknak thubuai, thawinak sa ei le ei lo thu, kawhhran kilkhawinak, Thlarau Thianghlim laksawng pawl le thawhsalnak thu pawl hi an si. Paul in a tlunih thubuai a ummi parah hin Thuthangòha in ziangtin a sim, ti kha hmuhnak thuuk zet thawn a langter.
Korin cakuat bung hleithum ih a ummi, Pathian in a minung hnenih a pekmi laksawng thupi bik duhdawtnak cu hi cabu sungah cun mi tam bik ih an theihmi a si.
1
Khrih Jesuh ih a tirhthlah si dingah Pathian lungkimnak in kawhmi keimah Paul le kan unau Sosthenes in, Pathian mithiang si dingih kawhmi le Khrih Jesuh thawn nan pehzom awknak thawngin amah ih ta a simi, Korin khua ih um Pathian kawhhran le an Bawipa le kan Bawipa Jesuh Khrih a betu hmunkipih a ummi hnenah ca kan lo kuat a si.Ref 1.2 Tirh 18:1;
Pathian kan Pa le Bawipa Jesuh Khrih in zangfahnak le daihnak lo pe hram seh.
Khrih Sungih Thluasuahnak
Khrih Jesuh thawngin zangfahnak cu nan hnenih pek a si zo ruangah ka Pathian cu ka thangòhat ringring. Ziangahtile Khrih thawn nan pehzom awknak thawngin ziang hmuahhmuah ah tlamtling in pek nan si zo, thusim thiam le theihnak khalah nan famkim ih, Khrih thuhla kan phuanmi khal nan sungah a hngetkhoh zo ti a lang a si. A lang dingmi Jesuh Khrih kan Bawipa nan hngah lai ahhin nan ngah hrih lomi thlarau lam laksawng pakhatte hman a um lo. A netnak tiang amah in a lo kilkhawi hai dingih cuticun kan Bawipa Jesuh Khrih ih Ni ah mawh nei lo nan si ding. A Fapa Jesuh Khrih kan Bawipa thawn pawlkomnak nei dingah a lo kotu Pathian cu rinsan tlak a si.
Kawhhran Sungih Òhenòheknak
10 Ka u le ka nau tla, nan lakih òhenòheknak a um lonak dingah nan thinlung rual awtein um hram uh tiah kan Bawipa Jesuh Khrih hmin in ka lo dil a si. Rualrem zet in, thinlung khat le tumtahnak bangrep in um uh. 11 Ka u le ka nau tla, nan lakah tawhawknak a um ringring ti kha Khlose ih sungkhat pawl in fiang tein in sim. 12 Ka sim duhmi cu, mi hrekkhat in, “Kannih cu Paul ih lamòang kan si,” nan ti; mi hrekkhat in, “Kannih cu Apollos ih lamòang kan si,” nan ti; mi hrekkhat in, “Kannih cu Piter ih lamòang kan si,” nan tiih mi hrekkhat in, “Kannih cu Khrih ih lamòang kan si,” tiah dangdang ciar ih nan timi hi a si.Ref 1.12 Tirh 18:24; 13 Khrih cu a òhenòhek aw mi a si maw? Nan hrangah thinglamtah parih an thahmi cu Paul maw a si? Paul hmin in maw baptisma nan lak? 14 Nanmah lakah Khrispas le Kaias siar lo zohman baptisma ka pek hai lo ruangah Pathian ka lawm.Ref 1.14 Tirh 18:8, 19:29; Rom 16:23; 15 Curuangah zohman in, “Kei cu Paul hmin in baptisma ka la,” nan ti thei lo ding. 16 (A si, Stefanas le a innsang baptisma ka pe ngai; midang ka pek cu ka thei lo.)Ref 1.16 1 Kor 16:15; 17 Khrih in midang baptisma pe dingah i thlah lo, Thuthangòha sim dingah i thlah ih cutiih ka sim tikah milai fimnak òongkam hmang in a si lo; ziangahtile leilung fimnak òongkam hmang tahrat in ka sim ahcun Khrih thinglamtah parih a thihnak hi hmual a nei lo pang ding.
Pathian Ih Huham Le Fimnak
18 Thinglamtah parih Khrih thihnak thu hi a hloral cuahcomi pawl hrangah cun aat hna men a si; sikhalsehla rundam lai reromi kannih hrangah cun Pathian ih cahnak hmual a si. 19 Ca Thianghlim in,
“Mifim pawl ih fimnak cu
ka siatsuah dingih,
Mithiam pawl ih thiamnak cu
ka hnong ding,” a ti.Ref 1:19: Isa 29:14;
20 Curuangah mifim pawl khuiahso an um? Mithiam pawl khuiahso an um? Leilungtlun thu-el thiam pawl khuilamah so an si? Leilung tlunih fimnak hi aat hna a si, ti kha Pathian in a langter zo a si lo maw?Ref 1:20: Job 1:22; Isa 19:12, 33:18, 44:25
21 Minung in anmah ih fimnak in Pathian an theih thei lonak dingah amah Pathian in a fimnak in a rak tuah cia zo a si. Sikhalsehla kan phuan mi “Aat thu,” an timi Thuthangòha hi hmang tahrat in a zumtu pawl rundam dingah Pathian ih tuahmi a si. 22 Judah mi pawl in a dik le dik lo theih theinak dingah hmuhsaknak mak hmuh an duh; Grik mi pawl cun fimnak sawn in an hawl. 23 Asinan kannih cun thinglamtah ih an khenmi Khrih kan phuang ih cuih thu cu Judah mi pawl hrangah rilhbahnak a si ih Grik mi hrangah cun aat hna a si. 24 Sikhalsehla Pathian ih a kawh cia mi pawl hrangah cun Judah mi siseh, Zentail mi khal sisehla, cuti kan phuan mi cu Khrih a si ih Khrih cu Pathian cahnak le Pathian fimnak a si. 25 Ziangahtile Pathian aatnak cu minung ih fimnak hnakin a fim sawn; cule Pathian ih òonòaihnak cu minung ih cahnak hnakin a cak sawn.
26 Ka u le ka nau tla, Pathian in a lo kawh lai ahkhan ziangbangtuk minung nan rak si kha ciing ringring uh. Milai mit ih kan zoh ahcun mifim le thuneitu le hmaizah tlak cu mi malte ngaingai nan si. 27 Sikhalsehla mifim pawl ningzahter dingah leilung ih mi-aa timi kha Pathian in a hril hrim a si; micak le thiltithei pawl ningzahter dingah leilung ih mi òawnòai timi kha Pathian in a hril hrim a si. 28 Leilungmi in thupizet ih an ruahmi kha siatsuah dingah an hmuhsuammi, an nautatmi le zianghman ih an siar lomi kha Pathian in a hril hrim a si. 29 Cuti a si ruangah Pathian hmai ahcun zohman an uang aw thei lo ding. 30 Khrih Jesuh thawn pehzom aw ih nan nunnak ahhin a hram a thoktu cu amah Pathian a si ih amah hnen ihsin Khrih cu kanmah ih fimnak ah a tuah a si. Khrih thawngin kannih cu Pathian thawn kan rem aw zo; Pathian ih mithiang ah kan cang zo ih a luatmi kan si zo. 31 Curuangah Ca Thianghlim in,
“Zokhal a uar awtu cun
Bawipa ih tuahmi lawngah
uar aw seh,” tiah a tiRef 1:31: Jer 9:24