8
Thingrah Bawm Khat Langnak
1 Cungnungbik Bawipa hnenin langnak a dang pakhat ka hmu. Cuih langnak ahcun a hmin zetmi thingrah bawm khat ka hmu.
2 Bawipa in, “Amos, ziangso na hmuh?” tiah i sut.
“Thingrah hmin zet bawm khat,” tiah ka sawn.
Cutikah Bawipa in, “Ka minung Israel mi pawl an cem ni a thleng zo. Anmah hrem ka tumnak thinlung ka thleng nawn lo ding.
3 Cuih ni ah biakinn sungih hla saknak pawl cu òahnak aw ah a cang ding. Hmunkip ah miruak an um ding. A dai khepkhep ding,” tiah a ti.
Israel Vanduainak
4 Ngai hnik uh, nannih mi tlasam a palcihtu le ramsung mirethei zonzai siatsuah a tumtu pawl!
5 Nan thinlungte cun, “Zarh ni a sau tuk, kan hngak thei lo; kan rawl zuar kan duh thlang. Ziangtikah so Sabbath ni a cem dingih thil kan zuar theisal ding? Kan thil man cu a hlei in kan ngen dingih thil tahnak le cuai thlainak pawl cu kan thil leitu pawl bumnak ah a dik lo in kan tuah ding.
6 A sia bik sangvut hman cu man tam zet ah kan zuar ding. Leiba nei ih kedam tuak khat man hman a pe thei lotu mifarah kan hawl dingih sal zuat dingah kan lei ding,” tiah nan ti.
7 Bawipa Israel ih Pathian in siatcam thukam in, “Sualnak an tuahmi cu ka hngilh dah lo ding.
8 Curuangah leilungpi hi a hnin dingih hi ramsung minung hmuahhmuah zonzaihnak an tuar ding. Hi ram pumpi hi a hnin òheh dingih Nail Tivapi bangin a òum tawk le a kai tawk a um ding.
9 Cuih ni ahcun sun laifangah ni ka tlakter dingih sun nitleu lai ah khua ka thimter ding. Cungnungbik Bawipa keimah in ka ti a si.
10 Nan puai pawl cu mithi vuinak ah ka canter dingih nan lungawinak hla cu riahsiat òahnak ah ka canter ding. Nan sam ka metter òheh dingih buri hnipuan ka lo hrukter òheh ding. Fapa neihsun a thih ih a nu le a pa an òah bangin ka lo òapter ding. Cuih ni cu a netnak tiangin a kha zetmi ni a si ding.
11 Hi ram sungih paam ka tlunter ding ni a ra thleng cing ding. Mipi pawl cu an ril a rawng ding nain rawl duh rilrawn a si lo ding; an ti a haal ding nain tidai duh tihal a si lo ding. Bawipa ih òongkam theih duh rilrawng le tihal an si ding. Cungnungbik Bawipa keimah in ka sim zo a si.
12 Mi pawl cu saklam in thlanglam ah, nisuahnak in nitlaknak ah an vakvai ding. Khuazakip ah Pathian ih òongkam an hawl ding nain an hmu lo ding.
13 Cuih ni ahcun fala le tlangval harhdam zet pawl hman tihal in an bah an ril ding.
14 Samaria ih milem Ashimah hmin in siat a serhtu pawl, ‘Dan ih khawzing hmin in,’ a titu le ‘Beersheba ih khawzing hmin in,’ a titu pawl cu an bah dingih an thosal nawn lo ding,” tiah a ti.