7
Kharbok Langnak
1 Cungnungbik Bawipa hnenin langnak pakhat ka hmu. Cuih langnak ahcun siangpahrang ih rawlkung an at òheh ih hrampi a cerh pekte ah Bawipa in kharbok burpi a semter kha ka hmu.
2 Cuih langnak ka hmuhmi sungah cun kharbok pawl cun ram pumpi sungih thilhring hmuahhmuah an ei òheh kha ka hmu. Cutikah kei in, “Maw Cungnungbik Bawipa, na minung pawl hi ngaithiam hram aw. Ziangtinso an nun thei ding? An malzet ih an òawnòai tuk fawn,” tiah ka ti.
3 Cule Bawipa in a thinlung a thleng ih, “Na hmuh vek cun a sisal lo ding,” tiah a ti.
Meisa Langnak
4 Cungnungbik Bawipa hnenin langnak a dang pakhat ka hmu. Bawipa in a minung pawl meisa in hrem a tum kha ka hmu. Cuih meisa cun leihnuai tipithuanthumf Leilung hnuai Tipithuanthum timi cu khuahlan Hebru mi pawl cun leilung hnuai ahhin tidai a um ih cumi cu leilung parah a hung puut òheu tiah an rak zum. kha a kang òheh ih leilung khal hun kang lala ding khi a si.Ref 7.4 Sem 7:11;
5 Cutikah kei in, “ Bawipa Pathian, baang aw. Ziangtinso na minung pawl an nun thei ding? An malzet ih an òawnòai tuk fawn,” tiah ka ti.
6 Cule Bawipa in a thinlung a thleng ih, “Na hmuhmi vek cun a sisal lo ding,” tiah a ti.
Hmuithlurh Hri Langnak
7 Bawipa hnenin langnak a dang pakhat ka hmu. Hmuithlurhri hmang ih sakmi inn phar kiangah Bawipa a din kha ka hmu. Cule hmuithlurhri cu a kut sungah a um.
8 “Amos ziangso na hmuh?” tiah i sut.
“Hmuithlurhri,” tiah ka sawn. Cule anih in, “Ka minung Israel mi pawl hi a ding lomi phar vek an si ih an ding lo zia langternak ah hi hmuithlurhri hi ka lo hmuh a si. Anmah hrem dingih ka ruah cia mi cu ka thleng nawn lo ding.
9 Isaak tesinfa pawl ih Pathian biaknak hmun pawl cu an òhing reprep ding. Israel ih hmun thianghlim pawl cu siatsuah òheh an si ding. Siangpahrang Jeroboam cithlah pawl ih ram-uknak cu ka cemter ding,” tiah a ti.
Amos Le Amaziah
10 Bethel ih puithiam Amaziah in Israel siangpahrang Jeroboam hnenah thu a than ih, “Amos in Israel misenpi lakah a lo phiar a si. A òongmi hin ram pumpi a siatsuah ding.
11 A simmi cu hitiin a si: ‘Jeroboam cu raldonak ah a thi ding; Israel mi pawl an ram ihsin sal ah hruaihlo an si ding,’ tiah a sim ciamco,” a ti.
12 Cule Amaziah in Amos hnen ahcun, “Nang profet, òong nawn hlah; Judah ram ah va kir awla cutawkah thu va sim aw. Anmah in na hlawhman lo pe hai seh.
13 Hitawk Bethel ahcun profet òong in òong nawn hlah. Hitawk cu kan ram pumpi biakinn a si ih siangpahrang ih Pathian biaknak hmun a si,” tiah a ti.
14 Cutikah Amos in, “Profet ka si lo; profet ih fapa khal ka si lo; òilva khaaltu le theipi kung pawl kilkhawitu ka rak si.
15 Sikhalsehla Bawipa in ka tuu ka khalhnak ihsin i lak ih a minung Israel hnenih profet hnaòuan dingah thu i pek a si.
16 Bawipa ih òongmi hi ngai hnik! Nang cun Israel miphun engtai in siseh, Isaak miphun engtai in siseh, òong nawn lo dingah i kham.
17 Cutiih na ti ruangah, nang Amaziah, Bawipa in na hnenah, ‘Na nupi cu khuasung ah hlawhhlang ah a cang dingih, na faate pawl ralnam in an thi ding. Nan ram cu òhenòhek òheh a si dingih midang hnenah pek a si ding. Nangmah khal Pathian thei lotu ram, ramdang ah na thi ding. Israel mi pawl hi an ram ihsin sal ah an hruaihlo tengteng ding,’ a ti,” tiah a sim.