5
Sir Aw Dingih Kawhnak
Maw Israel mi pawl, mithi phumnak hla ka lo saksanmi hi ngai hnik uh:
Fala him Israel cu a cem zo,
A thosal nawn lo ding.
Leilung ah a ril zo,
Amah thotu an um lo.
Cungnungbik Bawipa in, “Israel ramsung khua pakhat in ralkap thawngkhat a thlah; asinain zakhat lawng an ra tlung. Khua dang pakhat in zakhat a thlah ih pahra lawng an rakir,” a ti.
Bawipa in Israel mi hnenah, “Ka hnenah rakir uhla nan nung ding. Khawzing biak dingah Beersheba ah feh hlah uh; Bethel ah i hawl duh hlah uh; Bethel cu zianghman a si lo ding. Gilgal khalah va feh hlah uh; a minung pawl sal ah hruai an si òheh ding,” a ti. Bawipa ih hnenah feh uhla nan nung ding. Nan feh lo asile nan parah meisa hlio bangin Bawipa a thleng ding. Bethel mi pawl cu meisa in a kang ding; zohman in an hmit thei lo ding. Dingthluk lairelnak kha merh tahrat in felnak kha lei ah a dengtu nannih pawl cu nan cem ding.
Bawipa in arsi tla a tuah,
Siruk rawlòawm le zaangkhua pawl;
Thimnak cu sun nitleu ah a tuah,
Sun cu zan ah a canter.
Tifinriat tidai pawl a ko ih
Leilung parah a toih.
A hmin cu Bawipa a si.Ref 5.8 Job 9:9; 38:31;
Micak pawl le an òanhmun
ralhruang pawl cu a siatsuah òheh.
10 Nannih pawl cun thuòhennak zungih dinglonak a phuangtu le thudik a reltu pawl nan hua. 11 Mirethei zonzai pawl nan namsuk ih an rawl nan long. Curuangah nan sakmi lungto inn òhaòha sungah hin nan um lo dingih sabit hmuan mawi sungih nan ciinmi sabitti nan in lo ding. 12 Nan sualnak tuksumza a si zia le thil sual nan tuahmi a tam zia hi ka thei òheh. Miòha nan hrem, nawhthuh nan la ih farah zonzai pawl parah dingthluk lairelnak thawn thu nan rel lo. 13 Curuangah cuih tikcu caan ahcun thuruat thiam mifim pawl cu dai tein an rak um. Ziangahtile cuih caan cu caan sia a si.
14 Thil òha lo bansan in thil òha tuah uh; cuti asile nan nung ding. Ziangkimtithei Bawipa Pathian cu kan hnenah a um nan ti vekin a um ngaingai ding. 15 Thil òha lo hua uh, thilòha duh uh; thuòhennak zungah dingthluk lairelnak kha lal seh. Cuti asile Josef hrin a tangsun parah Bawipa in zangfahnak a nei hrih ding.
16 Curuangah Cungnungbik Bawipa Ziangkimtithei in, “Khuasung lamzin ah òahnak le ai-hramnak a um ding. Lothlo pawl an ko dingih òah man pekmi pawl thawn mithi an òah tlang ding. 17 Sabit hmuan kip ah ai-hramnak a um ding. Ka lo hrem ding ruangah cupawl cu a kim òheh ding,” a ti. Bawipa in a sim zo.
18 Bawipa ni a hngakhlaptu pawl nan hrangah òihnungza a si. Cuih ni in ziangso a lo òhathnempi ding? Nan hrangah thimnak ni a si ding, tleunak ni a si lo ding. 19 Kiosa òih ah a zam ih savom tongtu bangtuk a si ding. Asilole inn ah ra tlung in phar zut na khaw, rul cuk tongtu bangtuk a si ding. 20 Bawipa ni in tleunak si lo in thimnak a thlenter. Tleunak malte hman um lo a thim bepbepmi ni a si.
21  Bawipa in, “Biaknak puai nan tuahmi pawl hi ka hua ih ka mit an kem. 22 Mei-ur thawinak le sangphut thawinak in rak pekmi pawl hi ka sang lo ding; thawinak hrangah tiah thau zet ih nan cawmmi òilva pawl khal ka sang lo ding.Ref 5.22 Isa 1:11-14; 23 A ring zetmi nan hla pawl hi bang thlang uh; nan òingòang awn pawl hi ka ngai paih nawn lo. 24 Dingthluk lairelnak cu tivapi bangin luang sehla felnak cu a kang dah lomi ti bangin luang sawnseh.
25 “Maw Israel mi pawl, hramlak ih kum sawmli sung ka lo hruai lai ahkhan thawinak le peknak zianghman ka lo ngen lo. 26 Atu cu nan khawzing le siangpahrang a simi Sakkuth zuk le nan arsi khawzing Kaiwanb Sakkuth, Kaiwan timi hi Mesopotamia ram ih khawzing pawl hmin a si. ih lem pawl nan biak ruangah, 27 Damaskas pawnlam ram ah sal ih ka lo hruai tikah cuih milem pawl cu nan ken òheh a òul ding,” tiah Bawipa in a ti. A hmin cu Ziangkimtithei Pathian a si.Ref 5.27 Tirh 7:42, 43;