4
1 Hi thu hi ngai hnik uh, nannih Samaria nunau pawl, cawmthaumi Bashan cawpi pawl, minauta pawl a rialbek ih mifarah a namnehtu le “In ding i pe aw,” tiih mah ih pasal a auh hluahhlotu pawl,
2 Cungnungbik Bawipa in a thianhlimnak thawn, “Sio thawn an lo dirh caan a ra thleng leh ding; nan zate in nga sio ih awkmi nga vek nan si òheh ding.
3 A nai bik phar-ong ah an lo hnuk dingih cutawkin khualeng ah Harmon lamah an lo hlon ding,” tiah siatcam in thu a kam.
Israel In A Thei Thei Lo
4 Bawipa in, “Maw Israel mi pawl, Bethel ih hmunthiang ah va feh uhla nan duh ahcun va sual uh! Gilgal tla ah va feh uhla nan sual thei tawkin va sual uh. Nan raithawinak òilva pawl cu zingkhat hnu zingkhat hei keng uhla nan thawhlawm khal ni thumnak tinte hei keng ringring uh.
5 Nan sang kha lungawinak in Pathian hnenah hei pe uhla thawhlawm a hlei ih nan thawhmi khal tluangkhawnpi ciamco uh. Cupawl a si lo sawm a tuah nan hiar mi cu!
6 “Nan khua hmuahhmuah ah paam a tluntertu cu keimah ka si. Cu hmanah ka hnenah nan rakir lo.
7 Nan lo rawl in ruahti a òul bik lai ah ruah sur lo in ka umter. Khua pakhat ah ruah ka surter ih a dang khua pakhat ahcun ka surter lo. Lo pakhat in ruah a ngah nain a dang pakhat cu vanruah lo in a car.
8 Minung tampi cu khua dang ih tidai in dingah hawl rero in an feh. Asinan in khop an hmu lo. Cu cingin ka hnenah nan rakir cuang lo.
9 “Nan lo rawl a ngautertu dingah thlisa ka hranter. Kharbok in nan hmuan le nan sabit hmuan, nan theipi kung le olif kung pawl khal a ei òheh. Sikhalsehla ka hnenah nan rakir duh cuang lo.
10 Izipt ram ih ka rak thlenter bangin nan parah pulhnat ka thlenter. Raldonak ah nan mino pawl ka thihter ih nan rang cak zetzet ka lak hlo. Nan hnarkua cu nan riahnak hmun ih miruak thu rim in ka khahter òheh. Cu khalah ka hnenah nan rakir duh cuang lo.
11 “Sodom le Gomorrah ka siatsuah bangin nanmah lakih mi òhenkhat pawl ka siatsuah. Atu ih a nungmi nannih pawl hi meisa sung ihsin thursuakmi a alh laimi funghreu bangtuk nan si. Sikhalsehla ka hnenah nan ra duh cuang lo.Ref 4.11 Sem 19:24;
12 Curuangah sokhaw maw Israel mi pawl, ka lo hrem ding ka ti cu! Cutiih ka tuah ding ruangah nan Pathian tong dingah timtuah cia in um uh,” tiah a ti.
13 Pathian cu tlangsang pipi tuahtu a si;
Thli tuahtu khal a si.
A ruahmi cu minung a theihter;
Sun cu zan ah a canter;
Leilung hmunsang a pal òheh.
A hmin cu Cungnungbik Bawipa
Pathian a si.