2
Moab
Bawipa in, “Moab mi pawl cu atu le tu an sual ruangah ka hrem tengteng ding. Edom siangpahrang ih ruh cu an ur ciam òheh. Curuangah Moab ram parah meisa ka run thlak dingih Kerioth ih inn òha pawl a kang òheh ding. Moab mi pawl cu raldo awk laifang, ralkap pawl an au ciamco lai le tawtawrawt aw a than rero laifangah an rak thi rero ding. Moab ram uktu le an ram sungih hotu pawl hmuahhmuah khal ka that òheh ding,” tiah a ti.Ref 2.1-3 Isa 15:1-16:14; 25:10-12; Jer 48:1-47; Ezk 25:8-11; Zef 2:8-11;
Judah
Bawipa in, “Judah mi pawl cu atu le tu an sual ruangah ka hrem tengteng ding. Ka thuzirhmi an nautat ih ka thukham pawl an thlun lo. An pupa pawl ih rak biakmi pathian deu pawl in an hruai sual a si. Curuangah Judah parah meisa ka run thlak dingih Jerusalem inn òha pawl an kang òheh ding,” tiah a ti.
Israel Thuòhennak A Tuar
Bawipa in, “Israel mi pawl cu atu le tu an sual ruangah ka hrem tengteng ding. Mi fel a si khalle leiba a sam thei lotu pawl le kedam tuak khat man a pe thei lotu pawl kha sal ah an zuar. Bawmtu nei lo le mi òawnòai pawl leivut lakah an pal cih ih mifarah pawl lamzin ihsin an tul hlo. Pa le fa in nunau pakhat an sualpi ih cuticun ka hmin thianghlim an borhbahter. Biaknak hmunkip ah mifarah hnen ihsin leiba ai ih an lakmi puan an phah ih an it. Tangka baktu pawl hnen ihsin paisa an kuantermi in zu an lei ih an Pathian biakinn sungah an in.
“Asinan ka miphun pawl, nanmah ih hrangah sokhaw sidar thing bangin a sangmi le sasua thing bangin a hakmi Amor mi pawl ka siatsuah òheh.Ref 2.9 Daan 3:8-11; 10 Izipt ram ihsin ka lo hruaisuak ih thlaler ramòhing ah kum sawmli sung ka lo khor. Cule Amor mi pawl ih ram cu nan ta dingah ka lo pek. 11 Nan fapa òhenkhat pawl profet ah ka hril ih nan mino òhenkhat pawl Nazira Nazir timi pawl hi Pathian an duhnak le a hna an òuan duhnak ah zu in lo ding, sam tan lo ding le miruak tham lo dingin thukamnak a tuahtu pawl an si. mi ah ka hril. A si lo nan ti thei ding maw, Israel mi pawl?Ref 2.11 Mipum 6:1-8; Bawipa keimah in ka sim zo a si. 12 Asinan cuih Nazir mi pawl cu zu nan inter ih profet pawl ka thu aupi lo dingin nan kham. 13 Curuangah atu ah leilung ah ka lo namcih dingih rawl ritzet a phurtu cawleng awn bangin nan hrum nan ai ding. 14 Tlan cak zet pawl hman an luat thei lo ding; mi cak zet pawl an thazang a òum dingih ralkap pawl hman an nunnak an hum aw thei lo ding. 15 Li le thal a hmangtu pawl hman an òang thei lo ding; tlan cak bik hman an luat lo dingih rangralkap pawl tla an luat ce lo ding. 16 Cuih ni ahcun ralòha bik ralkap hman in an hriamnam an hlonta dingih an tlan hlo ding,” a ti. Bawipa in a sim zo.