8
Cutiih Stefen an thah cu Saul khal a lung a kim ve.
Saul In Kawhhran A Hrem
Cuih ni ihsin thokin Jerusalem ih kawhhran cu hremnak nasa zet an tuar. Tirhthlah pawl siar lo a dang zumtu pawl hmuahhmuah cu Judea ram le Samaria ram sungah an òhendarh aw òheh. Stefen cu Pathian a òihzahtu òhenkhat in an vui ih nasa zet in an òah.
Asinan Saul cun kawhhran pawl siatsuah a tum; inn khat hnu inn khat a feh ih nunau mipa tilo zumtu hmuahhmuah an inn ihsin a dirsuak ih thawng ah a thlak hai.Ref 8.3 Tirh 22:4-5, 26:9-11;
Samaria Ah Thuthangòha A Thleng
A òekdarhmi zumtu pawl cu khuazakip ah an thleng ih an thlennak hmunkipah Thuthangòha an sim. Filip cu Samaria khuapi ah a feh ih cuih khuami hnenah Messiah ih thuhla a sim. Mi tampi in a thusimmi cu òha tein an ngai ih hmuhsaknak a tuahmi tla an hmu. Miburpi sung ihsin khawsia pawl ringpi ih au phahin an suak ih mizeng le ke awl pawl tla an dam. Curuangah cuih khuapi sungah lungawinak tampi a um.
Cutawk khua ah Simon an timi pa a rak um. Caan rei nawn a mitkher thiamnak in Samaria mi pawl cu an thinlung let ko in a tuah. Keimah ka si bik tiin a ruat aw ve. 10 Khuapi sungih a ummi hmuahhmuah a tum a seen in a thu an ngai. Annih in, “Amah hi, ‘A Maksakmi Huham,’ timi Pathian ih cahnak a si hi!” tiah an ti. 11 Caan reipi a mitkher thiamnak in an lung let òheh ko in a tuah ruangah a thu an thlun duhnak a si. 12 Sikhalsehla Filip ih thusimmi Pathian Uknak Thuthangòha le Jesuh Khrih ih thuhla an theih tikah an zum ih nunau siseh, mipa siseh, baptisma an lak. 13 Simon khal cun a zum ve; baptisma a lak hnuah Filip cu a thlun ih khawruahhar le hmuhsaknak thil tampi Filip ih tuahmi kha a hmuh tikah anih khal a mang a bang ngaingai.
14 Jerusalem ih a ummi tirhthlah pawl in Samaria mi khalin Pathian thu an pom ve thlang ti an theih tikah an hnenah Piter le Johan an thlah. 15 An hnen an thlen tikah zumtu pawl in Thlarau Thianghlim an ngahnak dingah an hrangah thla an cam. 16 Ziangahtile Thlarau Thianghlim kha zo ih hnen hmanah a rung thleng hrih lo; Bawi Jesuh hminih baptisma latu lawng an si lai. 17 Cule Piter le Johan in an parah kut suangin thla an cam ih Thlarau Thianghlim an ngah.
18 Tirhthlah pawl in an kut an suan tikah zumtu pawl in Thlarau Thianghlim an ngah kha Simon in a hmu. Curuangah Piter le Johan hnenah, 19 “Kei khalin an tlunih ka kut ka suanmi hmuahhmuah Thlarau Thianghlim an ngah theinak dingah hi cahnak huham i pe ve uh,” tiah ti phahin tangka a pek hai.
20 Sikhalsehla Piter in, “Pathian ih pekmi laksawng hi tangka thawn lei thei dingih na ruah ruangah nangmah cu na tangka thawn va hloral uh! 21 Pathian mithmuh ah na thinlung a dik lo ruangah kan hnaòuanmi sungah na tel lo, covo khal na nei lo. 22 Hibangtuk thil òha lo na ruah sualnak ihsin siir aw awla a lo ngaithiamnak dingah Bawipa ih hnenah thlacam aw. 23 Ziangahtile nahsuahnak in a khatmi le sualnak thawng sungih a tlami na si, tihi ka hmu a si,” tiah a ti.
24 Cutikah Simon in Piter le Johan hnenah, “Zangfahnak in hi nan òongmi pawl hi ka parih a thlen lonak dingah Pathian hnenah thla i cam sak hram uh,” tiah a dil.
25 Pathian thu an phuang ih an hmuhmi le an tonmi an sim hnuah Piter le Johan cu Jerusalem ah an kirsal. An kir phahah Samaria peng khuate tampi sungah Thuthangòha cu an sim vivo.
Filip Le Ethiopia Bawi Ih Thu
26  Bawipa ih vancungmi in Filip hnenah, “Na timtuah awla thlanglam ah Jerusalem ihsin Gaza fehnak lamzin ah vung feh aw,” tiah a ti. (Atu ahcun hi lamzin cu an hmang nawn lo.) 27 A ti vekin a tim a tuah ih Filip cu a feh. Culai ah Ethiopia mi pakhat an khua lamih a tlungmi a tong. Cupa cu tilpermi a si ih Ethiopia siangpahrangf 8:27 ‘siangpahrang’ timi hi Grik Baibal sungah cun ‘Kandakes’ tiin a um ih ‘Kandake’ tiah leh a theih. Siangpahrang hmin si lo in an hnaòuan hmin a si. Izipt siangpahrang ih hnaòuan hmin cu Faro an ti vekin Ethiopia siangpahrang cu Kandake an ti a si. nu ih neihmi sumsaw hmuahhmuah a kilkhawitu bawi a si. Amah cu Jerusalem ah Pathian bia dingin a feh. 28 A ra tlunlam ah a rangleng parah to in profet Isaiah cabu a siar. 29 Thlarau Thianghlim in Filip hnenah, “Feh awla khi rangleng khi va naih aw,” tiah a ti. 30 Filip cun a hei dawi ih profet Isaiah cabu a siar ti a thei. Filip in, “Na siarmi hi a tican na thei maw?” tiah a sut.
31 Cupa cun, “Zotal ih in simfiang lo ahcun ziangtinso ka theih thei ding?” tiah a sawn. Cule Filip cu a rangleng parah to ve dingin a sawm. 32 A siarmi Ca Thianghlim cu a tanglam vek hin a si:
“Amah cu thah dingmi
tuu bangin an hruai ih,
Tuufaate a hmul an met lai ah
ai lo ih a um bangin,
òong lo in dai tein a um.
33 Hmuhsuam nautatnak a tuar,
òantu zohman a nei lo;
Leitlun ihsin a nunnak an lak sak ruangah,
a ci thlahmi pawl sim ding
zohman an um lo,”Ref 8:32-33: Isa 53:7-8; tiin a um.
34 Cupa in Filip cu, “I sim hnik! Profet Isaiah ih a òongmi hi zo ih thu so a si? Amah ih thu maw, midang ih thu so?” tiah a sut. 35 Cutikah Filip in cuih Baibal cang ihsin thokin Bawi Jesuh Thuthangòha cu a sim òheh. 36 Cutiin an vung feh vivo ih tidai a umnak hmun an thleng. Cupa cun, “Hinah tidai a um. Baptisma co dingah ziangso i dawntu a um?” tiah a ti. 37 (Filip in, “Na thinlung zate in na zum ahcun baptisma co ding na si,” a ti. Cupa cun, “Ka zum; Jesuh Khrih cu Pathian Fapa a si tiah ka zum,” a ti.)
38 Cuih Ethiopia pa cun a rangleng cu a dinter ih Filip thawn tidai sungah an vung òum ih Filip in baptisma a pek. 39 Tidai sung ihsin an hung suah tikah Bawipa ih Thlarau in Filip cu a lak hlo. Cuih bawi in Filip cu a hmu nawn lo; asinain lungawi zet in a inn lamah a tlung. 40 Filip cu Ashdod a va thleng; Sisaria ah a feh ih lamzin tluan khua kipah Thuthangòha cu a sim vivo.