7
Stefen Ih Thusimmi
Puithiam Sang in Stefen cu, “Hitiih an timi hi a si ngaingai maw?” tiah a sut.
Stefen in, “U le nau, nu le pa pawl, i ngai hnik uh! Kan pu Abraham cu Haran ah um dingin a feh hlanah Mesopotamia ah Pathian sunlawinak a hnenah a rung lang ih,Ref 7.2-3 Sem 12:1; ‘Na sungkhat le na ram tanta awla ka lo hmuh dingmi ram ah feh aw,’ tiah a ti. Cuticun Khaldea ram ihsin a suak ih Haran khua ah a um. A pa thih hnuah atu nan umnak ram ahhin Pathian in a certer.Ref 7.4 Sem 11:31, 12:4; Culai ah hi ram hi Pathian in Abraham hnenah a bulta si dingah a fiakte hman a pe lo; asinain a hnenah pe dingin thu a kam ih hi ram hi nangmah le na tesinfa pawl ih ta a si ding, tiah a ti. Pathian in hitiih thukamnak a tuah lai ah Abraham cu faate a nei lo.Ref 7.5 Sem 12:7, 13:15, 15:18, 17:8; Pathian in a hnenah, ‘Na tesinfa pawl cu ramdang ah an um ding; cuih ram ah sal an cang dingih kum zali sung zonzaih an tuar ding.Ref 7.6,7 Sem 15:13-14; Sikhalsehla an renmi miphun parah cun thuòhennak ka nei dingih cuih hnu lawngah cuih ram ihsin an suak dingih hi hmunah hin keimah in bia ding,’ tiah a ti.Ref 7.7 Suah 3:12; Cule Pathian in Abraham hnenah serhtannak daan kha a thukam hminsinnak ah a pek. Curuangah Abraham in a fapa Isaak a suah hnu zarh khat ah a serh a tan sak. Isaak in a fapa Jakob ih serh a tan sak ih Jakob in a fapa hleihnih an serh a tan sak. A fapa hleihnih cu kan phun cithlahtu kan pupa hminthang pawl an si.Ref 7.8 Sem 17:10-14, 21:2-4, 25:26, 29:31-35:18;
“Jakob ih fapa pawl in an naupa Josef cu an nahsuah ih Izipt ram ah sal ah an zuar. Sikhalsehla Pathian a hnenah a um ih,Ref 7.9 Sem 37:11, 28, 39:2, 21; 10 a harsatnak sung ihsin him tein a hruai suak. Izipt siangpahrang hmaiih a din tikah Pathian in Josef cu ziaza mawi le fimnak a pek ih Izipt siangpahrang in a ram pumpi le a innsang tlunah uktu bawi a òuanter.Ref 7.10 Sem 41:39-41; 11 Izipt ram le Kanaan ram sungih mangòam a tlun tikah mipi hrangah harsatnak tampi a thleng. Kan pupa pawl khalin rawl an ngah thei lo.Ref 7.11 Sem 42:1-2; 12 Jakob in Izipt ah rawl a um ti a theih tikah a fapa pawl, kan pu le kan pa pawl cu a thlah; himi cu Izipt an thlennak hmaisabik a si. 13 A vei hnihnak ih Izipt an thlen tikah a ule hnenah Josef cu a phuang aw ih Izipt siangpahrang in Josef ih sungkhat pawl cu a thei ngah.Ref 7.13 Sem 45:1, 16; 14 Curuangah Josef in a pa Jakob le a sungkhat pawl hnenah Izipt ram ih rung vai dingin thu a cah. An zate in minung sawmsarih le panga an si.Ref 7.14 Sem 45:9-10, 17-18, 46:27; 15 Cule Jakob cu Izipt ah a vung feh; cutawkah amah le a fapa pawl cu an thi.Ref 7.15 Sem 46:1-7, 49:33 16 An ruak cu Shekhem ah an fehpi ih Abraham in Hamor miphun hnen ihsin tangka in a rak leimi thlan ah an phum.Ref 7.16 Sem 23:3-16, 33:19, 50:7-13; Jos 24:32;
17 “Pathian in Abraham hnenih thu a kammi a kimnak tikcu a nai vivo tikah Izipt ram ih a ummi kan phunpi pawl cu an tam sinsin.Ref 7.17-18 Suah 1:7-8; 18 Netabik ah Josef ih thuhla a thei dah lotu siangpahrang pakhat in Izipt ram cu a uk. 19 Kan pu le kan pa pawl cu a bum ih a hrem; an faate pawl tla thi hai seh tiah an innsung ihsin inn lengah a hlonter.Ref 7.19 Suah 1:10-11, 22; 20 Culai caan ah naute mawi zet Moses timi cu a suak. Moses cu inn ah thla thum sung òha tein an cawm.Ref 7.20 Suah 2:2; 21 Pawnleng ih hlon a si ve tikah siangpahrang ih fanu in a lak ih a fapa ah a tuah ih cutiin a kilkhawi.Ref 7.21 Suah 2:3-10; 22 Izipt mi ih fimnak hmuahhmuah an zirh thluh ih a òongkam le a tuahnak in mi nasa zet a si, ti a langter.
23 “Moses cu kum sawmli a ti tikah a phunpi Israel mi pawl ziang bangtukin an nung, ti hmuh duh ah a leng.Ref 7.23-29 Suah2:11-15; 24 Culai ah a phunpi Israel mi pakhat cu Izipt pa in a rak hrem kha a hmu tikah a va bawm ih phuba la in Izipt pa cu a that. 25 (Pathian in anmah luattertu dingah i hmang dingih ka phunpi khalin an theithiam ding, tiah a ruat nain an rak theithiam lo.) 26 A thai sun ah Israel mi pahnih an sual awk lai kha a hmu ih va rem a tum. ‘Unau pawl, i ngai uh! Nannih cu mi phunkhat Israel mi veve nan si! Ziangahso hitiin nan sual awk rero?’ tiah a ti. 27 Sikhalsehla a phunpi a hmuhsuamtu pa in Moses cu a tulpet ih, ‘Zo in so kan tlunah uktu le thuòhentu ah a lo tuah? 28 Mizan ih Izipt pa na thah vek khan thah ve i duh maw si?’ tiah a ti. 29 Cumi cu Moses in a theih tikah Izipt ram ihsin a tlan ih Midian ram ah a va um. Cutawkah fapa pahnih a nei.Ref 7.29 Suah 18:3-4;
30 “Kum sawmli a liam hnuah Sinai Tlang kiang ramòhing ah hrambur alh sung ihsin Moses hnenah vancungmi pakhat a lang.Ref 7.30-34 Suah 3:1-10; 31 Cuih mei-alh cu Moses in a hmuh tikah a mang a bang ih zohhliah dingah hrambur alh-mi kiangah cun a va feh. Asinan Bawipa ih aw a thei ih, 32 ‘Keimah hi nan pupa pawl ih Pathian, Abraham ih Pathian, Isaak le Jakob ih Pathian ka si,’ tiah a ti. Moses cu thinphang in a khur ih a zoh hman a zoh ngam lo. 33  Bawipa cun, ‘Na kedam phuak aw, ziangahtile na dinnak hmun hi hmun thianghlim a si! 34 Izipt ram ih ka minung pawl an tuarmi le an zonzaihnak ka hmu. An aihramnak ka thei ih anmah luatter dingah ka rung. Ra aw, Izipt ah ka lo thlah ding,’ tiah a ti.
35 “Moses cu Israel mi pawl ih hnon dahmi pa a si. ‘Zo in so kan tlunah uktu le thuòhentu ah an lo tuah?’ tiah an rak ti. Hrambur alh sung ihsin a hnenih a langmi vancungmi ih bomnak thawngin Pathian in Israel mi uktu dingah le luattertu dingah a thlahmi a si.Ref 7.35 Suah 2:14; 36 Izipt ram ihsin Israel mi pawl cu a hruaisuak ih Izipt ram le Tipi Sen le ramòhing lakah kum sawmli sung thil khawruahhar le hmuhsaknak mak tampi a tuah.Ref 7.36 Suah 7:5, 14:21; Mipum 14:33; 37 Moses cu Israel mi hnenah, ‘Pathian in nan hnenah keimah i thlah bangtukin profet a thlah dingih cupa cu nanmah ih miphun sung ihsin a si ding,’ tiah a rak titu pa a si.Ref 7.37 Daan 18:15, 18; 38 Amah cu Israel mi pawl ramòhingih an um lai ah an lakih a tel ringringtu pa a si; kan pu le kan pa pawl lakah a rak um ih Sinai Tlangah vancungmi òongkam a rak sangtu le misenpi hnenih a rak umtu a si; cule Pathian thunung kan hnenih a thlen theinak dingah a rak cohlangtu a si fawn.Ref 7.38 Suah 19:1-20:17; Daan 5:1-33;
39 “Sikhalsehla kan pu le kan pa pawl in amah cu an thlun duh lo. An hnong ih Izipt ram ah vung kirsal an duh sawn. 40 Curuangah Aaron hnenah, ‘In hruaitu dingah khawzing tampi in, in tuah sak aw. Izipt ram ihsin in hruaisuaktu Moses parah ziang a cang ti kan thei nawn ual lo,’ tiah an ti.Ref 7.40 Suah 32:1; 41 Cuti a si ruangah cawcang hmuihmel cuangin caw lem an tuah ih rai an thawi ih an kut ih an tuahcopmi hrangah upatnak puai an tuah ciamco.Ref 7.41 Suah 32:2-6; 42 Curuangah Pathian in a dungtun ih profet pawl cabu sungih ngan a si vekin van ih arsi pawl a biakter hai. Cuih cabu sungah cun:
‘Israel mi pawl, kum sawmli sung
ramòhing ah òilva nan that ih,
raithawinak nan pekmi kha
ka hnenah nan tuahmi a si lo.
43 Nan phurhmi thlam cu
Molek khawzing puanthlam a si.
Nan kenmi milem cu nan khawzing
Refan ih arsi lem a si.
Annih tla cu biak dingih nan tuahmi
khawzing lem an si.
Curuangah nannih cu Babilon lan ah
ka lo dawihlo ding,’ tiah a um.Ref 7:42-43: Amo 5:25-27;
44 “Kan pu le kan pa pawl in Thukamnak Puanthlam cu nelrawn ramòhing ah an nei ringring. Cuih Puanthlam cu Pathian in Moses hnenih a langtermi pianhmang vekih sakmi a si.Ref 7.44 Suah 25:9, 40; 45 Neh hnuah kan pu le kan pa pawl in cuih puanthlam cu an pu pa hnen ihsin an lak ih Joshua thawn an feh tikah an fehpi vivo; hmai an nor ih Pathian in a rak um cia mi miphun pawl kha a dawisak ih cuih ram pawl cu an lak vivo. Puanthlam cu cutawkah David san tiang a um.Ref 7.45 Jos 3:14-17; 46 David cu Pathian hmaiah mithmai òha a ngah ih Jakob ih Pathian umnak hrangah inn pakhat sak thei dingah Pathian hnenah a dil.Ref 7.46 2 Sam 7:1-16; 1 San 17:1-14; 47 Sikhalsehla inn a saktu ngaingai cu Solomon a si.Ref 7.47 2 Siang 6:1-38; 2 San 3:1-17;
48 “Asinan Cungnungbik Pathian cu minung kut ih tuahmi inn sungah a um lo; Profet pawl in hitiin an sim:
49 ‘Vancung hi ka tohkham a si ih
Leilung hi ka kepal a si,
tiah Bawipa in a ti.
Ka hrangah ziangbangtuk inn so
sak nan tum?
Ka um duhnak hmun cu
khuitawk so a si?
50 Hi thil hmuahhmuah a tuahtu hi
Keimah ka si lo maw?’Ref 7:49-50: Isa 66:1-2; a ti.
51 “Nan lung a va ruh lawmmam so! Nan thinlung cu Pathian thei lo thinlung a va si lai so! Pathian thu ngai dingah nan hna a va set lawmmam ve! Nannih hi nan pupa pawl vek thotho nan si: Thlarau Thianghlim nan dodal ringring!Ref 7.51 Isa 63:10; 52 Nan pupa pawl ih an hrem lomi profet pakhat tal an um maw? Pathian ih Siahhlawh fel a ra ding tiah khuahlan lai ihsin a rak phuangtu Pathian ih palai pawl an rak that. Atu ah cuih a felmi a Siahhlawh cu nanmah in nan zuar ih nan that! 53 Vancungmi in an run kenmi Pathian ih daan a saangtu cu nanmah nan si; asinain cuih daan a thlun lotu cu nanmah thotho nan si,” tiah a ti.
Lungto In Stefen An Den That
54 Khonsil upa pawl in Stefen thusimmi an theih tikah an thin a heng tuk ih an hacang an rial hnawh. 55 Sikhalsehla Stefen cu Thlarau Thianghlim in a khat ih vancung a hun zoh tikah Pathian sunlawinak le Pathian vorhlamih a dingmi Jesuh kha a hun hmu. 56 Cutikah, “Zoh hnik uh! Van a ong aw ih Pathian vorhlamah Milai Fapa a ding ka hmu!” tiah a ti.
57 Cutikah Khonsil upa pawl cu an hna an kut in an phit ih an aw neih patawp in an au ih Stefen cu an zon! 58 Khuapi sung ihsin an dirhsuak ih lungto in an deng. A dengtu pawl in an puan pawl cu Saul an timi tlangvalpa hnenah an retta. 59 Lungto in an den rero lai ah Stefen cun Bawipa a ko ih, “ Bawipa Jesuh, ka thlarau run la hram aw!” tiah a au. 60 A khuk a bilh ih, “ Bawipa, an sualnak hi ciing ringring hram hlah aw!” tiah napi in a au. Cutiih a au òheh ve tein a hnuk a cat.