6
Bawmtu Upa Pasarih
Caan malte a rei deuh tikah dungthluntu pawl an tam vivo ih Judah mi pawl le Grik òong in a òongtu Judah mi pawl karlak ah thubuai a um. Grik òong a hmangtu Judah mi pawl in nitin a òulmi leinak ih tangka zem tikah an nuhmei pawl in an co ding zat an co lo a si, tiah thu a um. Curuangah tirhthlah hleihnih pawl in zumtu pawl hmuahhmuah cu hmunkhat ah an kokhawm ih, “Tangka thuhla tawlrelnak ah Pathian thusim kan daithlang a si ahcun a dik lo ding. Curuangah u le nau pawl, nanmah lakah Thlarau Thianghlim le fimnak in a khatmi mi pasarih hril uhla anmah pawl cu hi thuhla tawlreltu ah kan ret ding. Kannih cu kan tikcu zate in thlacamnak le thusimnak ah kan hmang ding,” tiah an ti.
Tirhthlah hleihnih pawl ih ruahnak an suahpi mi parah an zate in an lung a awi ih cuticun zumnak le Thlarau Thianghlim in a khatmi Stefen, Filip, Prokhoras, Nikanor, Timon, Parmenas, le Antiok khua ihsin Judah biaknak ih a luttu Zentail mi Nikolaus tla an hril. An pasarih in tirhthlah pawl hnenah an fehpi ih tirhthlah pawl in an lu parah an kut an suang ih thla an cam sak.
Cule Pathian thu cu a zai vivo. Dungthluntu pawl tla Jerusalem khua sungah an karh vivo ih puithiam tampi in an zumnak cu an pom ve.
Stefen An Kai
Pathian in a thluasuah zetmi le cahnak huham thawn a khatmi Stefen in misenpi lakah khawruahharza le hmuhsaknak mak tampi a tuah. Asinan Salsuak pawle 6:9 ‘Salsuak pawl,’ timi hi Judah mi zuatmi sal an si ih sal sinak ihsin a luat zomi pawl an si. sungin Stefen thawn thu elawknak a suak ih a cuih Stefen thu eltu lakah cun Sairin khua le Alexandria khua ihsin a rami Judah pawl tla an tel. Cun Silisia le Asia ram ih Judah pawl khal an tel ve. 10 Asinan Stefen cu Thlarau in fimnak a pek ih a òong tikah cun zohman in an el thei lo. 11 Curuangah mi òhenkhat kha, “Moses le Pathian thangsiat in a òong kan thei a si,” tiah ti dingah nawhthuh an pek. 12 Cuticun misenpi, upa pawl le Daanthiam pawl kha thinheng ko in an forh. Stefen cu an kai ih Khonsil upa hmaiah an suahpi. 13 Cule thuphan puhtu ding pawl cu an rak hruai ih annih in, “Hi pa in kan Biakinn Thianghlim le Moses Daan tla hi nautat hmuhsuam in a òong ringring. 14 Hi Nazareth mi Jesuh in hi Biakinn hi a bal òheh dingih Moses san ihsin kanmah ih san tiang a ummi kan pupa daan khal a thleng òheh ding a si, tiah a òong lai kan thei,” an ti. 15 Khonsil pumkhawmnak sungih a telmi hmuahhmuah in Stefen cu an hei zoh ih a mithmai cu vancungmi ih mithmai bangtukin an hmu.