13
Barnabas Le Saul An Thlah
Antiok khua kawhhran sungah profet le saya òhenkhat an um. Anmah tla cu Barnabas, Simeon (Midum ti tla in an ti), (Sairin khua mi) Lusias, (Mangki Herodm 13:1 Herod hi mangki bawi Herod Antipas, Herod Lian ih fapa a si ih Galilee le Perea ram BC 4 - 39 tiang uktu a si. thawn a òhang tlangtu) Minian le Saul an si. Anmah pawl cu Pathian bia in rawl an ulh lai ah Thlarau Thianghlim in, “Barnabas le Saul hi ka thiahmi hnaòuan lawng òuan dingah thiadang uh,” tiah a ti.
Rawl ul in thla an cam hnuah an lu parah an kut an suang ih Barnabas le Saul cu an hei thlah.
Saipras An Thleng
Thlarau Thianghlim in a thlah hai bangtukin Barnabas le Saul cu Seleusia ah an feh ih cutawk ihsin tangphawlawng in Saipras tikulh ah an lan. Salamis khua an thlen tikah Judah mi pawl ih sinakok ah Pathian thu an sim. An hnaòuan bawmtu dingah Johan Marka an hruai.
Saipras tikulh sung an tlawng vivo ih Pafos khua tiang an thleng. Cutawkah mitkher thiam Bar-Jesuh an timi an tong. Amah cu Judah mi, profet a ti aw mi a si. Amah cu Saipras tikulh uktu Mangki Serzias Paulas ih rualpi a si. Serzias Paulas cu mifim zet a si. Pathian thu theih a duh ruangah Barnabas le Saul cu a hnenah a ko. Asinan mitkher thiam Elimas in a ngaih lo; (Elimas ti cu a Grik hmin a si.) Serzias Paulas kha an simmi zum lo dingin a forh ciamco. Cule Saul, Paul ti tla in an kawhmi, cu Thlarau Thianghlim in a khat ih Paul in mitkher thiam pa cu hmaiton tein a zoh ih, 10 “Nang Satan fapa! Thilòha hmuahhmuah a dodaltu cu nangmah na si. Mi bumnak òha lo a phunphun in na khat ih Bawipa ih thudik hi thuphan ih canter ding lawnglawng na zuam a si. 11 Atu rori ahhin Bawipa ih kut cu na parah a rung thleng ding, na mit a caw dingih tawkfang sung cu sun khawvang na hmu lo ding,” tiah a ti.
Hmakhat teah Elimas ih mit cu mero dum in a khuh ih amah hruaitu ding hawl ah mitcaw cingin a vak rero. 12 Cutiih a cangmi cu Mangki bawipa in a hmuh tikah zumtu ah a cang; ziangahtile Bawipa ih thuhla an zirhmi ah a mang a bang ngaingai.
Pisidia Ram Antiok Khua An Thleng
13 Paul le a rualpi pawl cu tangphawlawng in Pafos ihsin an feh ih Pamfilia ram Perga khua an thleng. Cutawk ihsin Johan Marka in a kirsan ih Jerusalem ah a tlung. 14 Perga ihsin an fehsal ih Pisidia ram Antiokn 13:14 Antiok hi Pisidia peng ih khua a si; Siria ram ih Antiok thawn rawi ding a si lo. khua an thleng. Cutawkah Sabbath ni ah sinakok ah an feh ih an to. 15 A khawmmi pawl in Moses Daan cabu le profet pawl ih nganmi cabu an siar hnuah sinakok hotu pawl in, “Unau pawl, kan mipi hrangah thapeknak òongkam sim ding nan neih asile in sim uh,” tiah an ti. 16 Paul cu a ding ih a kut hawi phahin thusim a thok:
“Ka phunpi Israel mi le hitawkih Pathian a ra biami Zentail mi hmuahhmuah tla, i ngai uh! 17 Israel ih Pathian in kan pu le kan pa pawl a hril ih Izipt ram ih an um lai ah miphun tumpi ah a tuah. Cuih Pathian cun Izipt ram ihsin a maksakmi a huham thawn a suah hai ih,Ref 13.17 Suah 1:7, 12:51; 18 nelrawn ramòhing lakah kum sawmli sung a zoh, a kilkhawi hai a si.Ref 13.18 Mipum 14:34; Daan 1:31; 19 Kanaan ram ih a rak ummi miphun phun sarih kha a siatsuah òheh ih amah ih miphun Israel mi cu ram luahtu ah a tuah.Ref 13.19 Daan 7:1; Jos 14:1; 20 Hitiih thil a cangmi hi kum zali le sawmnga sung a rei.Ref 13.20 Thuò 2:16; 1 Sam 3:20;
Cuih hnuah profet Samuel san a thlen hlan sung Thuòhentu pawl a ret. 21 Cule Israel mi pawl in siangpahrang an dil ih Pathian in kum sawmli sung an siangpahrang si dingah Benjamin hrin sungin Kish ih fapa Saul a pek hai.Ref 13.21 1 Sam 85, 10:21; 22 Cun Saul a dawihlo hnuah Pathian in David kha an siangpahrang ah a tuah. David thu cu Pathian in hitiin a ti: ‘Jesse ih fapa David cu ka mi duh zawng a si. Ka tuahter duhmi hmuahhmuah kha a tuah ding a si,’ tiah a ti.Ref 13.22 1 Sam 13:14, 16:12; Saam 89:20; 23 Cule David ih tesinfa Jesuh cu a rak kam cia vekin Pathian in Israel mi pawl Rundamtu dingah a tuah. 24 Jesuh ih hnaòuan a thok hlan deuh ah, Johan in Israel mi hmuahhmuah hnenah an sual sir aw ding le baptisma la dingah thu a sim.Ref 13.24 Mar 1:4; Luk 3:3; 25 Cule Johan in a hnaòuan a òuan òheh zik zawng ah mipi hnenah, ‘Zo a si tiin so in ti?’ tiah a sut. ‘Nan hngak reromi cu kei ka si lo! Asinan ngai uh! Amah cu keimah hnuah a ra dingih kei cu a kedam hri phoihtu ding hmanah ka tlak lo,’ tiah a ti.Ref 13.25 Mat 3:11; Mar 1:7; Luk 3:16; Joh 1:20, 27;
26 Ka phunpi Israel mi, Abraham ih tesinfa pawl le hitawkih Pathian a ra biatu Zentail mi pawl, hi rundamnak Thuthang hi kan zate hrangih pekmi a si. 27 Ziangahtile Jerusalem ih a rak ummi mipi pawl le an hotu pawl in Jesuh cu Rundamtu a si tiah an rak thei lo. Profet pawl ih rak nganmi thu Sabbath tin tein an siarmi khal a tican an thei lo. Asinan Jesuh an thahnak in profet pawl ih òongkam kha an kimter a si. 28 Cule annih in Jesuh an thah theinak dingah thuhla an hawl rero nain, an hawl thei lo ruangah Pilat hnenah thahnak thu pe dingin an dil.Ref 13.28 Mat 27:22-23; Mar 15:13-14; Luk 23:21-23; Joh 19:15; 29 Cun Ca Thianghlim in a thuhla a rak sim cia mi hmuahhmuah kha an tuah òheh hnuah thinglamtah par ihsin an òhum ih thlan ah an phum.Ref 13.29 Mat 27:57-61; Mar 15:42-47; Luk 23:50-56; Joh 19:38-42; 30 Sikhalsehla Pathian in thihnak ihsin a thotersal ih, 31 amah thawn Galilee ihsin Jerusalem tiang khual a tlawngtu pawl hnenah ni tampi sung a lang. Atu ah amah ih ai ah cupawl cu Israel mi hnenah thutheitu an si.Ref 13.31 Tirh 1:3; 32-33 Cuih Thuthangòha cu atu ah nan hnenah kan rak keng. Pathian in kan pupa pawl hnenih thu a rak kammi cu atu an tesinfa kannih hnenah hin Jesuh thihnak ihsin a thotersalnak thawngin a kimter zo a si. Cumi cu Saam pahnihnak sungah:
‘Nangmah cu ka Fapa na si,
tuih sun ah na Pa ka si zo,’Ref 13:33: Saam 2:7 tiin a um.
34 Cule Jesuh cu thlan sungah a thu-ralta lo dingih a thosal ding ti thu ah Pathian in hitiin a sim cia.
‘David hnenih kam cia mi
a thianghlimmi thluasuahnak cu
nanmah hnenah ka lo pe ding,’Ref 13:34: Isa 55:3 tiah a ti.
35 Cule hmundang khalah,
‘A thianghlimmi na siahhlawh cu
thlan sungah na ziamralter
siang lo ding,’Ref 13:35: Saam 16:10 tiah a ti.
36 Ziangahtile David cu amah ih san sungah Pathian duhmi hna a òuan ve nain, a thih tikah a pu le a pa hnenah an phum ih a taksa cu thlan sungah a ziamta a si. 37 Sikhalsehla Pathian in thlan ihsin a thawhter mipa ih parah cun cubangtuk in a si lo. 38-39 Ka phunpi Israel pawl, nan zate in fiang zet ih nan theih a òulmi cu: Jesuh hmin in sual ngaidamnak thuthang nan hnenah phuan a si; nan sualnak sung ihsin Moses ih Daan in a lo luatter thei lo, asinain Jesuh a zumtu hmuahhmuah cu an sualnak sung ihsin an luat a si, tihi nan theih a òul. 40 Cuti a si ruangah ralring uh, a tanglamih profet pawl ih an rak simmi hi nan parah a kim pang ding. Profet pawl in:
41 ‘Zoh hnik uh!
Nannih mi hnihsan hmang pawl:
Mangbang thinphang uhla thita uh!
Ziangahtile tuih sun ih ka tuahmi hi,
mi in nan hnenih an simfiang hmanah
nan zum duh lo dingmi thil an si,’Ref 13:41: Hab 1:5
tiin an sim,” tiah a ti.
42 Paul le Barnabas cu sinakok ihsin an suak ih mipi pawl cun hmai Sabbath ni ih rasal dingin le cuih Thuthang ra simsal dingin an sawm. 43 Mipi pumkhawmnak ihsin an òiak hnuah Paul le Barnabas cu Judah mi tampi le Judah biaknak ih a lutmi Zentail mi tampi in an thlun. Tirhthlah pawl in an hnenah thu an sim ih Pathian zangfahnak sungih nung ringring dingin thazang an pek hai.
44 A hmaizarh Sabbath ni ah mi tampi, khuasung mi hmuahhmuah titlak in Pathian thu theih duh ah an ra suak. 45 Cumi cu Judah mi pawl in an hmuh tikah an nahsuak ih Paul ih thusimmi cu an el ih an hmuhsuam. 46 Sikhalsehla Paul le Barnabas cun ralòha sinsin in thu an sim. “Pathian thu nan hnenih sim hmaisa ding cu a òulmi a si. Sikhalsehla nannih in nan duh lo, nan el ih kumkhua nunnak ngah ding tlak ih nan ruat awk lo ruangah kan lo tlansan dingih Zentail mi hnenah kan feh ding. 47 Ziangahtile Bawipa ih thukham in pekmi cu hitiin a si:
‘Leilung pumpuluk hi
rundam a sinak dingah nannih cu
Zentail mi hrangah tleunak ah
ka lo tuah zo a si,’ a ti,” tiah an ti.Ref 13.47 Isa 42:6, 49:6;
48 Cuih thu cu Zentail mi pawl in an theih tikah an lung a awi ngaingai ih Bawipa ih Thuthangòha cu an sunloih zet. Cule kumkhua nunnak hrangih hrilmi pawl cu zumtu ah an cang.
49  Bawipa ih thu cu cuih ramsung hmunkipah a thang. 50 Sikhalsehla Judah mi pawl in khuasung ih upa pawl le Pathian awitu upat tlak Zentail nunau pawl kha an tokhrok ih cupawl cun Paul le Barnabas cu an hrem ih an peng sung ihsin an dawihlo. 51 Paul le Barnabas cun an parih lungkim lonak langternak ah an ke ih leidip kha an thingta ih Ikoniam ah an feh.Ref 13.51 Mat 10:14; Mar 6:11; Luk 9:5, 10:11; 52 Antiok khua ih dungthlun pawl cu lungawinak le Thlarau Thianghlim in an khat.