10
Piter Le Kornelias
1 Sisaria khuag 10:1 Sisaria khua timi hi Rom siangpahrang Caesar hmin cuangih sakmi khua a si ih, Judea ram uktu Rom acozah Mangki umnak khuapi a si. Jerusalem ihsin saklam ah Mediterranean tifinriat kap ah a um. ah Kornelias an timi pa a um. Amah cu, “Italy Ralkap Burpi,” timi Rom ralkap bu uktu ralbawi bothum a si.h 10:1 Ralbawi bothum timi “Centurion” an ti ih ralkap zakhat a uk.
2 Amah cu Pathian a òihzah zettu a si; a innsungsang in Pathian a bia ringringtu an si. Judah mi mifarah pawl tampi a bawm ih cat lo in Pathian hnenah thla a cam ringringtu a si.
3 Veikhat cu zanlam nazi pathum tluk ah langnak a hmu; cuih a hmuhmi ahcun Pathian ih vancungmi pakhat a hnenah a ra ih, “Kornelias!” tiah a ko.
4 Cuih vancungmi cu òih phahin a zoh ih, “Ziangso a si, Bawipa?” tiah a sut.
Vancungmi cun, “Pathian cu na thlacammi le mifarah na bomnak parah hin a lung a awi ih na dilnak a thei a si.
5 Curuangah Joppa khua ah Simon Piter an timi pa ko dingin mi thlah aw.
6 Simon Piter cu Tipi kapih a ummi savun in thil tuahtu Simon ih inn ah a cam,” tiah a ti.
7 Cule vancungmi cu a feh; cuih hnuah Kornelias in a inn ih a ummi hnenum pahnih le ralkap pakhat a ko. Ralkap pa cu biaknak lamah a taima zet le a fel zetmi a si ih amah a kilvengtu lakah pakhat a si.
8 Thil a cangmi pawl hmuahhmuah kha a sim òheh hnuah Joppa khua ah a thlah hai.
9 A thai sun ahcun an feh vivo ih Joppa khua an thlen zik zawng sunlaifang hrawngah Piter cu thlacam dingin inn parah a hung kai.
10 Piter cu a ril a rawng ih rawl ei a duh; rawl an tuah rero lai ah langnak a hmu.
11 Van khi a ong aw ih puan hlaipi bangtuk a simi thil pakhat a kil pali in leilung ah an run òhummi a hmu.
12 A sungah ke li nei ramsa a phunphun, bokvak ramsa le vate a phunphun an um.
13 Aw pakhat in a hnenah, “Piter, tho aw; that awla ei aw!” tiah a ti.
14 Asinan Piter in, “ Bawipa, a si lo! A thiang lomi le a borhhlawhmi ka ei dah hrimhrim lo,” tiah a ti.
15 Aw cun a run simsal ih, “Pathian in a thiang a timi cu a thiang lo ah ruat hlah,” tiah a ti.
16 Cumi cu vei thum tiang a rung lang ih cuih hnuah cuih thil cu van ah lakkir a si.
17 Cuih langnak ih a tican cu Piter in a ruah rero laifangah Kornelias ih thlahmi pawl cu Simon ih inn an thleng ih kotka lengah an ding.
18 “Hitawkah Simon Piter timi mikhual a um maw?” tiah an vun auh.
19 Piter cun a hmuhmi ih tican a ruah rero laifangah Thlarau in, “Ngai hnik, mi pathum in an lo hawl!
20 Na timtuah awla vung feh aw; cule an hnenih feh ding cu òhukòhun in um hlah; keimah ih thlahmi an si,” tiah a ti.
21 Curuangah Piter cu a vung òum ih a ra hawltu hnen ahcun, “Nan hawlmi cu keimah ka si. Ziangso nan òul?” tiah a sut.
22 Annih in, “Ralbawi Kornelias in, in thlah. Amah cu miòha zet a si. Pathian a bia ih Judah mi pawl in an upat zetmi a si. Sim ding na neihmi kha thei seh tiah a inn ah nangmah lo sawm dingin Pathian ih vancungmi in a fial,” tiah an ti.
23 Piter in cuih zan cu a hnenih riak hrih dingin a sawm hai ih an riak.
A thai sun ah Piter cu a tim a tuah ih anmah thawn a feh; Joppa khua ih Khrih zumtu hrekkhat pawl tla an tel ve.
24 A tipsun ah Sisaria ah a thleng ih Kornelias cun a sungkhat pawl le a sawmmi a rualpi pawl thawn an rak hngak ringring.
25 Piter cu inn ih a vung luh zawng ah Kornelias in a rak hmuak ih a hmaiah a kuun ih a kehram ah a bok.
26 Asinan Piter in a dinter ih, “Ding aw! Kei khal minung sokhaw ka si ve,” tiah a ti.
27 Inn sungih an luh phahah Piter in Kornelias cu a biak phah vivo; inn sungah cun mi tampi an tong aw khawm.
28 Piter in an hnenah, “Kan biaknak daan vek a si ahcun Judah mi in Zentail mi leen ding le pawl ding cu khammi a si, ti cu nan thei òheh. Sikhalsehla zohman mi thiang lo le mi borhhlawh ah ruah ding a si lo ti kha Pathian in i hmuh zo.
29 Curuangah mi nan thlah ih in ra kawh tikah kam khat hman el lo in ka ra. Ziangah in ko ti atu ahhin i sim hnik uh,” tiah a ti.
30 Kornelias in, “Kan dunglam ni thum lai ah, tuih tikcu hrawng zanlam nazi pathum ah ka inn ah thla ka cam. Hmakhat teah hnipuan tleu zet hrukin mi pakhat ka hmaiah a ding ih,
31 ‘Kornelias, Pathian in na thlacamnak a thei ih mifarah na bomnak khal a hminsin òheh.
32 Joppa ah Simon Piter an timi pa ko dingin mi thlah aw. Joppa ahcun Tipi kapih a ummi savun in thil tuahtupa Simon ih inn ah a riak,’ tiah i ti.
33 Curuangah hmakhat teah ka lo ko; cule nangmah khalin i zangfah ih na ra. Atu ah hitawk ahhin Pathian hmaika ah kan zate in kan um ih Bawipa in sim dingih a lo fialmi kha ngai dingah kan lo hngak a si,” tiah a ti.
Piter Ih Thusimmi
34 Piter cun a thok ih, “Pathian cun zozo khal bangran tein mi a zoh a si, ti thudik kha ka thei.Ref 10.34 Daan 10:17;
35 Ziangbangtuk miphun a si khalle Pathian a òihzah ih a hmaiah thildik a tuah a si ahcun Pathian ih pom tlak a si.
36 Mi hmuahhmuah ih Bawipa a simi Jesuh Khrih hnenin daihnak Thuthangòha cu Pathian in Israel mi hnenah a pek, ti cu nan thei.
37 Johan in baptisma thuthang a sim hnu Galilee ihsin thokin Israel ramsung hmunzakip ah thil maksak a cangmi khal cu nan thei òheh.
38 Nazareth mi Jesuh parah ziang bangtukin Pathian in Thlarau Thianghlim le huham a burh ti tla nan thei òheh.
A hnenah Pathian a um ruangah hmunzakip ah feh tahrat in thil òha a tuah vivo ih Satan ih tuahsiatmi pawl hmuahhmuah a damter thluh.
39 Israel ram sungah le Jerusalem ih a tuahmi hmuahhmuah a hmutu le a theitu kanmah hi kan si. Cule amah cu thinglamtah parah an khen ih an that.
40 Sikhalsehla ni thumnak ni ah Pathian in thihnak ihsin a thotersal ih kan hnenah a langter.
41 Mi hmuahhmuah hnenah si lo in a thu theitu dingih in hrilmi pawl hnenah a langter. Thihnak ihsin a thawhsal hnuah amah thawn kan ei kan in tlang a si.
42 Cule mi hnenah Thuthangòha sim dingah le amah cu Pathian in a nungmi le a thimi parah thuòhentu ih a tuah kha simtu dingah in fial a si.
43 Profet hmuahhmuah in amah ih thu cu an sim ih amah a zumtu hmuahhmuah in a hmin thawngin an sualnak ngaidam a si ding, tiah an ti,” tiah a sim.
Zentail Mi In Thlarau An Ngah
44 Cutiih Piter a òong rero lai ah a thusimmi a ngaitu hmuahhmuah parah Thlarau Thianghlim a rung thleng.
45 Joppa ihsin Piter thawn a rami Jesuh zumtu Judah mi pawl cu Zentail mi hnen khalah Pathian in a laksawng Thlarau Thianghlim a burh ti kha an hmuh tikah an mang a bang ngaingai.
46 Ziangahtile cute pawl cu òong phundang in an òong ih Pathian ih maksak zia an thangòhat kha an theih ruangah a si. Piter in,
47 “Kanmah ih kan ngah zo vekin himi pawl khalin Thlarau Thianghlim an ngah ve a si. Curuangah tidai ih baptisma la ding kha zo in so a dawn thei ding?” tiah a ti.
48 Curuangah Jesuh Khrih hmin in baptisma lak dingah thu a pek. Cule an hnenih cam hrih dingin Piter cu an sawm.