TIRHTHLAH
(The Acts of the Apostles)
Pawl Ih Hnaòuannak
Thuhmaihruai
“Tirhthlah pawl ih hnaòuannak,” timi cabu hi Luka cabu ih peh a si. Hi cabu ih a tumtah bikmi cu Jesuh a thluntu pawl in Thlarau Thianghlim hruainak thawngin Jesuh ih Thuthangòha kha “Jerusalem khua, Judea ram, Samaria ram hmuahhmuah le leilungtlun khuazakip ih an thanternak,” thu a si (1:8:) Judah mi pawl hnen ihsin a thok ih leilungtlun khuazakip a hrawh òhehtu Khristian pawl ih zumnak le hnaòuannak thu a si. Cule hi cabu a ngantu in fiangter a duhmi cu, Khristian pawl hi Rom acozah dodaltu an si lo ih òihnung khal an si lo; Khristian zumnak hi Judah mi zumnak kimtertu a si sawn, ti kha a si.
Hi cabu hi òhenthum ah òhen a theih: Cutiih òhen tikah Jesuh Khrih ih Thuthangòha an simnak le kawhhran an um vivonak a langter.
Hi Tirhthlah cabu sungah hin a thupi zetmi pakhat cu Thlarau Thianghlim thu a si. Thlarau Thianghlim cu Jerusalem ih Jesuh a zumtu pawl parah Pentikos ni ah a rung thleng ih kawhhran le a hotu pawl a hruai vivo ih thazang a pek vivo hai. Khristian pawl in an phuanmi thu cu an thusimmi ah a lang. Cuih an thusimmi pawl hmual a neih zia cu hi cabu sungih nganmi thil a cangmi le a zumtu nunnak sungih thil a thleng aw mi in a lang a si.
1
Duhdawtmi Theofilas,
Ka cabu hmaisa sungah khan Jesuh in hnaòuan hram a thawh ihsin vancung ih lakso a si ni tiang,Ref 1.1 Luk 1:1-4; a thil tuahmi hmuahhmuah le a thuzirhmi hmuahhmuah kha ka ngan. Vancung ih lakso a si hlanah amah ih a hrilmi a tirhthlah pawl cu Thlarau Thianghlim cahnak huham thawn òha tein thu a zirhta hai. A thih hnuah ni sawmli sung an hnenah vei tampi a lang ih a nungsal a si, ti kha zohman ih el thei lo dingin phun tampi in a langter. Amah an hmu ih anih in Pathian Uknak thu kha an hnenah a sim. Cule hmun khatih an tonkhawm awk lai ah, an hnenah hitiin thu a pe: “Jerusalem ihsin khuihmanah feh hlah uh. Ka Pa in laksawng a lo pe ding tiah ka lo sim cia mi kha hngak sawn uh.Ref 1.4 Luk 24:49; Johan cun tidai in baptisma a pe; asinain ni malte sungah Thlarau Thianghlim thawn baptisma pek nan si ding,” tiah a ti.Ref 1.5 Mat 3:11; Mar 1:8; Luk 3:16; Joh 1:33;
Jesuh Cu Vancung Ah Laak A Si
Tirhthlah pawl cu Jesuh thawn an ton awk tikah annih in, “ Bawipa, a tuih caan ahhin Israel mi hnenah Uknak cu na pesal ding maw?” tiah an sut.
Jesuh in an hnenah, “A cuih tikcu le nithla cu ka Pa ih thuneihnak ih khiah-mi a si ih nannih theih òulmi a si lo. Sikhalsehla nan hnenih Thlarau Thianghlim a rung thlen tikah cahnak huham thawn nan khat dingih Jerusalem, Judea ram, Samaria ram hmuahhmuah le leilungtlun a deng tiang keimah ih theihpitu nan si ding,” tiah a ti.Ref 1.8 Mat 28:19; Mar 16:15; Luk 24:47-48; Cutiih a sim òheh tikah Jesuh cu an mithmuh rori ah van ah lakso a si ih mero in a phen ih an hmu thei nawn lo.Ref 1.9 Mar 16:19; Luk 24:50-51;
10 Cutiih a hung kainak van cu an zoh cuahco lai ah puanvaar sinin mi pahnih hmakhat teah an kiangah an rung dingih, 11 “Galilee mi pawl, ziangahso van zoh in nan din cuahco? Nan hnen ihsin van ih a kaimi Jesuh hi van ih a kai lai nan hmuh vek cekci in a rakirsal leh ding,” tiah an ti.
Judas Ai Awhtu Hrilnak
12 Cule Jesuh ih tirhthlah pawl cu Olif Tlang ihsin Jerusalem ah an kir. Olif Tlang cu Jerusalem ihsin peng hrek tluk a hlat.a 1:12 Peng hrek timi hi Grik ahcun Sabbath Ni feh khop an ti ih, Kaih thawngkhat hrawng a si ding. 13 Khuapi sungah an vung feh ih an umnak tlunta khaan ah an hung lut. Piter le Johan, Jeim le Andru, Filip le Thomas, Bartholomeo le Matthai, Alfias ih fapa Jeim, phun òantu Simon le Jeim ih fapa Judas tla an si.Ref 1.13 Mat 10:2-4; Mar 3:16-19; Luk 6:14-16; 14 Hmun khatih thlacam tlang dingah an tongkhawm òheu ih nunau pawl le Jesuh ih nu Mari le Jesuh ih naule pawl tla an tel.
15 Ni malte a rei hnuah zumtu pawl an tongkhawm aw ih minung za le kul hrawng an si. Piter cu a ding ih, 16 “Ka u le ka nau pawl, Thlarau Thianghlim in David ih hmurka hmangin a sim cia mi Jesuh a kaitu pawl hruaitu Judas ih thu cu Ca Thianghlim sungih an ngan vekin a kim a òul a si. 17 Judas cu kan hnaòuanpi sungih tel ve dingah hrilmi a si ruangah kan pawl sungah sungtel a rak si ve,” tiah a ti.
18 (Judas in thilsual a tuahmi man ih a ngahmi tangka in lo pakhat a lei ih cuih lo sungah a bah ih a thi; a pum a kuai ih a sungril hmuah a pawt òheh.Ref 1.18-19 Mat 27:3-8; 19 Cuih thu cu Jerusalem ih a ummi hmuahhmuah in an thei ih anmah ih òong in cuih lo cu Akeldama an ti; a tican cu, “Thisen Lo,” tinak a si.)
20 Piter in, “Ziangahtile Saam cabu sungah,
‘A inn cu lawng sehla
A sungah zohman um hlah hai seh,’ Ref 1:20: Saam 69:25, 109:8;
tiah ngan cia mi a um. Cule hmundang ah ,
‘Midang in a hnaòuan cu la hai seh,’
tiin a um fawn.
21-22 “Cuti a si ih Bawipa Jesuh thawhsalnak thutheitu ah pakhatkhat cun in telpi a òul a si. Amah cu Bawi Jesuh kan hnenih khual a tlawn vivo sung hmuahhmuah kanmah lakah a tel ih, Johan in baptisma thu a simnak ihsin thokin Jesuh kan hnenin van ih lakso a si ni tiang, kanmah lakah a tel vemi a si ding,” tiah a ti.Ref 1.21-22 Mat 3:16; Mar 1:9, 16:19; Luk 3:21, 24:51;
23 Curuangah mi pahnih ih hmin an pek. Anmah cu Barsabbas tiih kawhmi Josef, (Justus ti tla in an kawhmi) le Matthias an si. 24 Cule thla an cam ih, “ Bawipa, nang cun mi thinlung sung na thei òheh; himi pahnih lakah zo deuh na hril ti run langter aw; 25 a co dingmi hmunah in fehsantu Judas ih ai awhtu ah na tirhthlah pawl lakih òuanvo la dingah na hrilmi cu run fiangter aw,” tiah an ti. 26 Cule an pahnih sungah zoso tirhthlah a si ding ti theihnak ah camcawhfung an zuuk ih Matthias in a ngah. Matthias cu tirhthlah hleikhat pawl hnenah an betcih.