1 ထိုအဖြစ်အပျက်များနောက် ကောင်းကင်ဘုံ၌တံခါးဖွင့်ထားသည်ကိုငါေမျှာ်ကြည့်ရာ ဤသို့တက်ခဲ့လော့။ နောင်ဖြစ်ပျက်ရမည့် အခြင်းအရာများကိုငါပြမည်ဟူ၍ တံပိုးမှုတ်သံသဖွယ်အထက်ကြားဖူးသူ၏အသံကို ငါကြားလျှင်ကြားချင်း၊ 2-3 ဝိညာဉ်တော်ဝင်စားပြန်သဖြင့် ကောင်းကင်ဘုံတွင်တည်ရှိသော ရာဇပလ္လင်ကိုလည်းေကာင်း၊ ထိုပလ္လင်တော့်ထက် စိန်အဆင်း၊ ပတ္တမြားအဆင်းရှိသော အရှင်တစ်ပါးစံတော်မူသည်ကိုလည်းေကာင်း၊ ပလ္လင်တော့်ပတ်လည်၌ မြအဆင်းသဏ္ဌာန်သက်တံ့တောက်ပသည့်ပြင်၊ 4 အခြားသောပလ္လင် နှစ်ဆယ့်လေးနှင့် ထိုပလ္လင်များထက် ဝတ်လုံဖြူဆင်လျက်၊ ရွှေသရဖူဆောင်းသော အကြီးအကဲ နှစ်ဆယ့်လေးပါးထိုင်နေသည်ကိုလည်းေကာင်း ငါမြင်ရ၏။ 5 ပလ္လင်တော့်အတွင်းမှ လျှပ်ပြက်ခြင်း၊ မိုးချုန်းခြင်း၊ ထစ်ခြင်းများထွက်ရာ ပလ္လင်တော့်ရှေ့ ဘုရားသခင်၏ဝိညာဉ်ခုနစ်ပါးတည်းဟူသော မီးရှူးခုနစ်တိုင်တောက်ပသည်ပြင်၊ 6 ရေခဲရောင်ဖန်သမုဒ္ဒရာကဲ့သို့ရှိ၏။ ပလ္လင်တော်လေးမျက်နှာဗဟိုများတွင် ရှေ့နောက်မျက်စိနှင့်စုံလင်သော သတ္တဝါလေးပါးရှိရာ၊ 7 ပထမသတ္တဝါသည် ခြင်္သေနှင့်လည်းေကာင်း၊ ဒုတိယသတ္တဝါသည်နွားနှင့်လည်းေကာင်း၊ တတိယသတ္တဝါ၏မျက်နှာသည် လူ့မျက်နှာနှင့်လည်းေကာင်း၊ စတုတ္ထသတ္တဝါသည် ပျံတတ်သောရွေလင်းတနှင့်လည်းေကာင်း တူ၏။ 8 တစ်ပါးတစ်ပါးလျှင် အတောင်သုံးစုံစီရှိလျက် အတွင်းအပြင်မျက်စိနှင့်စုံလင်သော ထိုလေးပါးတို့က အတိတ်၊ ပစ္စုပ္ပန်၊ အနာဂတ်တည်တော်မူသောအနန္တတန်ခိုးရှင် ထာဝရဘုရားသခင်သည် သန့်ရှင်း၊ သန့်ရှင်း၊ သန့်ရှင်းတော်မူသည်ဟု နေ့ညဥ့်မစဲမြွက်ဆိုလျက်နေကြ၏။ 9 ထိုသို့ကမ္ဘာအဆက်ဆက် အသက်ရှင်လျက် ပလ္လင်တော့်ထက်စံတော်မူသော အရှင်၏ဘုန်းတော်၊ ဂုဏ်တော်၊ ကျေးဇူးတော်ကိုချီးမွမ်းကြသည့်အခါတိုင်း၊ 10 ဆိုခဲ့သော အကြီးအကဲနှစ်ဆယ့်လေးပါးတို့လည်း ပလ္လင်တော့်ထက်စံတော်မူသော အရှင့်ရှေ့တော်တွင်ပျပ်ဝပ်၍ ကမ္ဘာအဆက်ဆက်အသက်ရှင်တော်မူသောအရှင်ကို ရှိခိုးလျက် ပလ္လင်တော့်ရှေ့ကိုယ့်သရဖူများကို ချထားပြီးလျင်၊ 11 အိုအကျွန်ုပ်တို့အရှင်၊ အကျွန်ုပ်တို့ဘုရားသခင်၊ ကိုယ်တော်ဖန်ဆင်းတော်မူသည့်အလျောက် အရာခပ်သိမ်းသည် အလိုတော်ကြောင့်ဖြစ်ပွား၍တည်ရှိသဖြင့် ဘုန်းတော်၊ ဂုဏ်တော်၊ တန်ခိုးတော်များကိုပိုင်ထိုက်တော်မူပါသည်ဟု ဩဘာဆက်ကြသတည်း။