ဆာလံ။ 47
1 လူမျိုးရှိသမျှတို့၊ လက်ခုပ်တီးကြလော့။ ဘုရားသခင့်အထံတော်သို့၊ အောင်သံလွှင့်၍ကြွေးကြော်ကြလော့။
2 မြင့်မြတ်သော ထာဝရဘုရားသည် ခန့်ညားဖွယ်ဘုရား၊ မြေတစ်ပြင်လုံးကိုအစိုးရသောမဟာမင်းမြတ်ဖြစ်တော်မူ၏။
3 လူမျိုးတို့ကို ငါတို့အောက်၌လည်းေကာင်း၊ လူမျိုးခြားတို့ကို ငါတို့ခြေအောက်၌လည်းေကာင်း၊ နှိပ်နင်းတော်မူပြီ။
4 ချစ်တော်မူသောယာကုပ်၏ ဘုန်းကြက်သရေဖြစ်သော၊ ငါတို့ပိုင်ပြည်ကိုရွေးချယ်တော်မူပြီ။
5 ဘုရားသခင်သည်၊ ကြွေးကြော်သံနှင့်လည်းေကာင်း၊ ထာဝရဘုရားသည် တံပိုးမှုတ်သံနှင့်လည်းေကာင်း၊ တက်ကြွတော်မူပြီ။
6 ဘုရားသခင်အားကျူးဧဖွဲ့ဆိုလျက်၊ ငါတို့ဘုရင်မင်းမြတ်အားကျူးဧဖွဲ့ဆိုကြလော့။
7 ဘုရားသခင်သည်၊ မြေတစ်ပြင်လုံး၏ဘုရင်မင်းမြတ်ဖြစ်တော်မူသည့်အတိုင်း၊ လိမ္မာစွာကျူးဧကြလော့။
8 ဘုရားသခင်သည် လူမျိုးခြားတို့အပေါ်၌စိုးစံတော်မူ၏။ ဘုရားသခင်သည်၊ သန့်ရှင်းသောရာဇပလ္လင်တော့်ထက်စံတော်မူ၏။
9 လူမျိုးတို့၏မှူးမတ်များသည်၊ အာဗြဟံ၏ဘုရားသခင့်လူမျိုးတော်အဖြစ်စုရုံးကြ၏။ ဤလောက၏ဒိုင်းလွှားသဖွယ်ဖြစ်သူတို့ကို၊ မြင့်မြတ်လှသောဘုရားသခင်ပိုင်တော်မူသတည်း။