1 ဟာလေလုယ၊ ငါတို့ဘုရားသခင့်ထံကျူးဧသင့်၏။ ချီးမွမ်းခြင်းလည်း၊ သာယာ၍တင့်တယ်၏။ 2 ထာဝရဘုရားသည် ယေရုရှလင်မြို့ကိုပြုပြင်လျက်၊ နှင်ထုတ်ခံရသောဣသရေလအမျိုးသားတို့ကို စုသိမ်းတော်မူ၏။ 3 နှလုံးကြေကွဲသောသူတို့ကိုနှစ်သိမ့်စေလျက်၊ သူတို့ဒဏ်ရာများကိုပတ်စည်းတော်မူ၏။ 4 ကြယ်နက္ခတ်များကိုရေတွက်၍၊ ရှိသမျှကိုအမည်ဖြင့်ခေါ်တော်မူ၏။ 5 ငါတို့အရှင်ဘုရားသည် မြင့်မြတ်၍တန်ခိုးတော်ကြီးလျက်၊ အနန္တဉာဏ်တော်နှင့်ပြည့်စုံတော်မူ၏။ 6 ထာဝရဘုရားသည်၊ သိမ်မွေ့သောသူတို့ကိုထောက်မ၍၊ လူဆိုးတို့ကိုမြေတိုင်အောင်ရှုတ်ချတော်မူ၏။ 7 ထာဝရဘုရားထံကြွေးကြော်ချီးမွမ်းလျက်၊ ငါတို့ဘုရားသခင့်ထံစောင်းတီး၍ကျူးဧကြလော့။ 8 ကောင်းကင်ကိုတိမ်တိုက်များနှင့်ဖုံးလွှမ်းလျက်၊ မြေကြီးဖို့မိုးရေပြင်ဆင်လျက်၊ တောင်များပေါ်မှမြက်ပေါက်စေတော်မူ၏။ 9 တိရစ္ဆာန်များကိုလည်းေကာင်း၊ အော်လျက်နေသောကျီးအသားငယ်များကိုလည်းေကာင်း၊ ကျွေးမွေးတော်မူ၏။ 10 မြင်း၏ခွန်အား၌လည်းေကာင်း၊ လူ၏အသွား၌လည်းေကာင်း၊ နှစ်သက်တော်မမူ။ 11 ခန့်ညားသောသူ၊ ကရုဏာတော်၌ကိုးစားသူတို့ကိုထာဝရဘုရားနှစ်သက်တော်မူ၏။ 12 အိုယေရုရှလင်မြို့၊ ထာဝရဘုရားကိုထောမနာပြုလော့။ အိုဇိအုန်မြို့၊ သင့်ဘုရားသခင်ကိုချီးမွမ်းလော့။ 13 သင်၏တံခါးပေါက်မင်းထုပ်များကိုခိုင်ခံ့စေလျက်၊ သင့်အထဲမှာ၊ သားသမီးများကို ကောင်းကြီးပေးတော်မူပြီ။ 14 ပြည်နယ်စွန်းအထိရန်ငြိမ်းစေလျက်၊ ဂျုံဆန်ကောင်းနှင့်ကြွယ်ဝစေတော်မူ၏။ 15 မြေကြီးသို့ပညတ်တော်ထုတ်ဆင့်သဖြင့်၊ အမိန့်တော်လျင်မြန်စွာပေးတတ်၏။ 16 မိုးပွင့်ကိုသိုးမွေးကဲ့သို့ချခြင်း၊ ဆီးနှင်းကိုပြာမုန့်ကဲ့သို့ဖြူးခြင်းပြုတော်မူ၏။ 17 မိုးသီးကိုစားနုတ်စားပေါက်ကဲ့သို့ပစ်ချတော်မူသဖြင့်၊ ချမ်းအေးစေတော်မူသည်ကိုမည်သူခံရပ်နိုင်သနည်း။ 18 တစ်ဖန်အမိန့်တော်ထုတ်ဆင့်ရာ၊ အရည်ဖြစ်စေလျက်၊ လေတိုက်စေတော်မူသဖြင့်ရေစီးရ၏။ 19 နှုတ်ကပတ်တော်ကိုယာကုပ်အမျိုးအားလည်းေကာင်း၊ အထုံးအဖွဲ့တော်နှင့်ဆုံးဖြတ်တော်မူချက်များကို ဣသရေလအမျိုးအားလည်းေကာင်း၊ ေဖာ်ပြတော်မူ၏။ 20 လူတစ်စုံတစ်မျိုးအား၊ ထိုသို့ပြုတော်မမူ။ ဆုံးဖြတ်တော်မူချက်များကိုသူတို့မသိရကြ။ ဟာလေလုယ။