ဆာလံ။ 121
1 ငါသည် တောင်တန်းသို့မေျှာ်ကြည့်လျက်နေ၏။ မစခြင်းကိုမည်သည့်အရပ်မှရပါအံ့နည်း။
2 မိုးမြေကိုဖန်ဆင်းတော်မူသောထာဝရဘုရားအထံတော်မှ၊ မစခြင်းကိုရပါလိမ့်မည်။
3 ကိုယ်တော်သည်သင့်ခြေကိုချော်စေခြင်း၊ သင့်ကိုစောင့်ထိန်းသောအရှင်သည် ငိုက်မျည်းခြင်းပြုတော်မမူေစလင့်။
4 ကြည့်လော့။ ဣသရေလလူမျိုးကိုစောင့်ထိန်းသောအရှင်သည်၊ ငိုက်မျည်းခြင်း၊ ကျိန်းစက်ခြင်းရှိတော်မူသည်မဟုတ်။
5 ထာဝရဘုရားသည် သင့်ကိုစောင့်ထိန်းတော်မူသောအရှင်၊ ထာဝရဘုရားသည်သင့်ညာဘက်မှာခိုရာအရိပ်ဖြစ်တော်မူ၍၊
6 နေ့အချိန်၌နေရှိန်၊ ညဉ့်အချိန်၌လရှိန်၊ မထိမခိုက်ရ။
7 ထာဝရဘုရားသည်ဘေးဟူသမျှမှကွယ်ကာ၍၊ သင့်အသက်ကိုစောင့်ထိန်းတော်မူလိမ့်မည်။
8 ထာဝရဘုရားသည်သင်ၙ့ထွက်သွားခြင်းနှင့်ဝင်လာခြင်းကို၊ ယခုမှစ၍ကာလအစဉ်၊ စောင့်ထိန်းတော်မူလိမ့်မည်။