1 နောင်လာလတ္တံ့သောကာလတွင်၊ ထာဝရဘုရား၏ဗိမာန်တော်တည်သောတောင်သည်၊ တောင်တကာတို့အထွဋ်ဖြစ်လျက်၊ ကုန်းတကာတို့ထက်ကြီးမြင့်သည့်အတိုင်း၊ လူအမျိုးမျိုးတို့တက်ကြလိမ့်မည်။ 2 များပြားသောလူမျိုးတို့လည်း သွားလျက်ပင်၊ လာကြ။ ထာဝရဘုရား၏တောင်တော်၊ ယောကုပ်ဘုရား၏ဗိမာန်တော်သို့တက်ကြကုန်အံ့။ နိဿရည်းတော်များ ကိုသွန်သင်တော်မူမည်။ နည်းလမ်းတော်များသို့လည်း ငါတို့လိုက်သွားအံ့ဟု ဆိုကြလိမ့်မည်။ အသို့ဆိုသော်၊ တရားတော်သည် ဇိအုန်တောင်မှလည်းေကာင်း၊ ထာဝရဘုရား၏ နှုတ်ကပတ် တော်သည် ယေရုရှလင်မြို့မှလည်းေကာင်း ထွန်းပေါ်လျက်၊ 3 ကိုယ်တော်သည် များပြားသောလူမျိုးတို့စပ်ကြား၌ စီရင်၍၊ ဝေးကွာသောလူမျိုးကြီးတို့အပေါ်တွင် ဆုံးဖြတ်တော်မူသဖြင့်၊ သူတို့ဓားလက်နက်များကို ထွန်သွား၊ လှံလက်နက်များကို တံစဉ်ဖြစ်စေခြင်းငှာ ထုလုပ်၍၊ တစ်မျိုးကိုတစ်မျိုးထပ်မံဓားခုတ်ခြင်း၊ 4 စစ်လေ့ကျင့်ခြင်းမရှိဘဲ၊ လူအသီးသီးတို့သည်၊ ကိုယ့်စပျစ်ခြံ၊ သဖန်းခြံရိပ်တွင်၊ ထိတ်လန့်ရာမဲ့နေထိုင်ရကြလတ္တံ့။ ဗိုလ်ခြေတို့အရှင်ထာဝရဘုရားထိုသို့မိန့်တော် မူလေပြီ။ 5 လူမျိုးတကာတို့သည်၊ ဆိုင်ရာဆိုင်ရာ ဘုရားအမည်ကို မှီ၍ လိုက်ေလျှာက်ကြသော်လည်း၊ ငါတို့မှာမူ၊ ကိုယ့်ဘုရားသခင်ထာဝရဘုရားနာမတော်ကိုအမှီပြု၍၊ ကာလ အစဉ်လိုက်ေလျှာက်ကြဦးမည်။

6 ထာဝရဘုရားမိန့်တော်မူသည်မှာ၊ ထိုကာလငါသည်၊ ထော့နဲ့သွားခဲ့ရသူ၊ နှင်ထုတ်ခံခဲ့ရသူ၊ ဘေးစီရင်တော်မူခြင်းခံခဲ့ရသူတို့ကို၊ စုရုံးသိမ်းယူပြီးလျှင်၊ ထော့နဲ့သူ့ကို အကြွင်းအကျန်အဖြစ်၊ 7 ဝေးကွာစွာနှင်ထုတ်ခံရသူ့ကို လူမျိုးကြီးအဖြစ်ထား၍၊ ဇိအုန်တောင်ပေါ်တွင်၊ ထိုသူတို့ကိုကာလအစဉ်ငါထာဝရဘုရားအုပ်စိုးမည်။ 8 သိုးအုပ်တော့်ဆိုင်ရာ ေမျှာ်စင်ဖြစ်သော၊ အိုသတို့သမီးယေရုရှလင်ကုန်းယမန်ရေသာအုပ်စိုးခွင့်၊ သတို့သမီးယေရုရှလင်၏အာဏာပိုင်ခွင့်သည်၊ သင့်ထံရောက်ပြန်လိမ့်မည်။ 9 သင်အော်ဟစ်လျက်၊ မီးဖွားသောမိန်းမကဲ့သို့ဝေဒနာခံစားလျက်နေသည်မှာ၊ ဘုရင်သုန်း၊ မင်းတိုင်ပင်တုံးသောကြောင့်လော။ 10 အိုသတို့သမီးဇိအုန်၊ သင်သည် ယခုပင်မြို့မှထွက်၍ ကျေးတော၌ နားပြီးလျှင်၊ ဗာဗုလုန်မြို့သို့သွားရသောကြောင့်၊ မီးဖွားသောမိန်းမကဲ့သို့နာကျင်လျက် ဝေဒနာခံစားလော့။ ထိုမြို့၌ပင်၊ ငါထာဝရဘုရားသည် ရန်သူတို့လက်တွင်းမှ၊ သင့်ကိုကယ်ဆယ်ရွေးနုတ်မည်။ 11 ဇိအုန်မြို့ကိုစိန်းစိန်းကြည့်လျက်ရှုတ်ချကြကုန်အံ့ဟုဆိုသော၊ လူမျိုးခြားအမြောက်အမြားတို့သည်၊ ယခုပင်သင့်ကိုဝိုင်းထားစုရုံးလျက်နေကြသော်လည်း၊ 12 ကောက်နယ်တလင်းသို့ ကောက်လှိုင်းသဖွယ်၊ ထိုသူတို့ကို သိမ်းသွားသောငါထာဝရဘုရားကြံစည်သောပြဋ္ဌာန်းချက်ကိုမသိကြချေ။ 13 အိုသတို့သမီးဇိအုန်၊ ငါသည် သင့်ဦးချိုကို သံ၊ သင့်ခွာကို ကြေးသဖွယ်ဖြစ်စေမည့်အလျောက်၊ ထ၍နင်းနယ်လော့။ သင်သည် လူမျိုးခြားအမြောက်အမြားကို ချေမွှ ပြီးလျှင်၊ ငါထာဝရဘုရားအားသူတို့စီးပွားကိုလည်းေကာင်း၊ မြေတစ်ပြင်လုံးပိုင်ရှင်ငါဘုရားအားစည်းစိမ်ကိုလည်းေကာင်း၊ လှူဒါန်းရလိမ့်မည်ဟု မိန့်တော်မူ၏။