ဟေရှာယကျမ်း 61 (MGB)

1-3 သူဆင်းရဲတို့အားဝမ်းမြောက်ဖွယ်သတင်းကိုကြော်ငြာစေခြင်းငှာလည်း‌ေကာင်း၊ စိတ်နှလုံးကြေကွဲသူတို့ကိုပတ်စည်းစေခြင်းငှာလည်း‌ေကာင်း၊ သုံ့ပန်းလူတို့အား လွတ်သွားခွင့်၊ အကျဉ်း သားတို့အားပွင့်လွတ်ခွင့်ကို ကြားပြောစေခြင်းငှာလည်း‌ေကာင်း၊ ထာဝရဘုရားလက်ခံတော်မူဖွယ်နှစ်ကာလ၊ ငါတို့ဘုရားသခင်လက်စားချေတော်မူမည့်ရက်ကာလများကို ကြားပြောစေခြင်းငှာလည်း‌ေကာင်း၊ ညည်းတွားရသူရှိသမျှတို့အား နှစ်သိမ့်စေခြင်းငှာလည်း‌ေကာင်း၊ ညည်းတွားရသောဇိအုန်မြို့သူမြို့သားတို့အား၊ ပြာထိုင်ခြင်းအစားဦးရစ်ပေါင်းခြင်း၊ ညည်းတွားခြင်းအစားရွှင်လန်းရာနံ့ သာဆီ၊ စိတ်အားလျော့ခြင်းအစားချီးမွမ်းရာအဝတ်တန်ဆာများကိုစီမံပေးအပ်စေခြင်းငှာလည်း‌ေကာင်း၊ ထာဝရဘုရားသည် ငါ့ကိုဘိသိက်သွန်း၍ စေလွှတ်တော်မူသည်နှင့်အညီ၊ ငါ့အပေါ်တွင်အရှင်ထာဝရဘုရား၏ဝိညာဉ်တော်တည်နေလျက်ရှိ၏။ ထိုသူတို့သည် ထာဝရဘုရား၏ဘုန်းတော်ထင်ရှားစေရန်၊ စိုက်ပျိုးတော်မူရာဖြောင့်မတ်သောညန်ပင်ဟုသမုတ်ခံရကြသည့်ပြင်၊ 4 ရှေးကာလဆိတ်ညံရာဖုန်းဆိုးဟောင်းများကိုပြုပြင်တည်ကျင်းခွင့်၊ လူအစဉ်အဆက်ဆိတ်ညံရာမြို့ဆိုးကုန်းများကို ပြုစုခွင့်ရကြလိမ့်မည်။ 5 ခစားရသောလူမျိုးခြားတို့သည် သင်တို့သိုးဆိတ်များကိုထိန်းကျောင်း၍၊ နိုင်ငံခြားသားတို့လည်း သင်တို့လယ်လုပ်သား၊ ခြံလုပ်သားဖြစ်ကြလိမ့်မည်။ 6 သင်တို့မူကား ထာဝရဘုရား၏ပရောဟိတ်၊ ငါတို့ဘုရားသခင်၏အမှုတော်ဆောင်ဟုခေါ်ဝေါ်ခံရ၍၊ လူမျိုးခြားတို့စည်းစိမ်ကိုခံစားလျက်၊ ၎င်းတို့အသရေကြောင့်ဂုဏ် တက်ကြလိမ့်မည်။ 7 သင်တို့ရှက်ကွဲခြင်း၊ ကျိုးယုတ်ခြင်းအစား၊ ခံစားရမည့်ပိုင်စုနှစ်ဆကြောင့်ကျူးဧကြလိမ့်မည်။ နေပြည်တွင်နှစ်ဆကိုပိုင်ရလျက်၊ ထာဝရရွှင်လန်းခွင့်ရကြလိမ့်မည်။ 8 ငါထာဝရဘုရားသည် အဓမ္မလုယက်ခြင်းကို ရွံ့ရှာ၍၊ တရားစောင့်ခြင်းကိုနှစ်သက်သည့်အတိုင်း၊ သစ္စာအလျောက်ဆပ်ပေးလျက်၊ ထာဝရပဋိညာဉ်ဖွဲ့သည်နှင့်အညီ၊ 9 အမျိုးအနွယ်သားစဉ်မြေးဆက်တို့သည် လူမျိုးခြားပြည်ထောင်သားတို့တွင် ကျော်စောကိတ္တိရှိ၍၊ ထာဝရဘုရားကောင်းကြီးမင်္ဂလာပေးတော်မူသော အမျိုးအနွယ်ဖြစ်ကြသည်ဟု၊ တွေ့သူတိုင်းဝန်ခံလိမ့်မည်။

10 ငါသည်ထာဝရဘုရားကြောင့်အားရဝမ်းမြောက်၍၊ ငါ၏ဘုရားသခင်ကြောင့် စိတ်ရွှင်လန်းလိမ့်မည်။ မင်္ဂလာဆောင်သတို့သားသည်ဦးဗောင်းဆင်သကဲ့သို့လည်း‌ေကာင်း၊ မင်္ဂလာဆောင်သတို့သမီးသည် အဝတ်တန်ဆာဆင်ယင်သကဲ့သို့လည်း‌ေကာင်း၊ ကယ်တင်ခြင်းအဝတ်တန်ဆာနှင့် ငါ့ကိုဆင်ယင်လျက်၊ အောင်မြင်ခြင်းဝတ်လုံနှင့်ခြုံတော်မူပြီ။ 11 မြေကြီးသည် အေညှာက်ပေါ်စေသကဲ့သို့လည်း‌ေကာင်း၊ ခြံလည်းကြဲရာမျိုးကိုပေါက်စေသကဲ့သို့လည်း‌ေကာင်း၊ အရှင်ထာဝရဘုရားသည် ခပ်သိမ်းသောလူမျိုးတို့မျက်မှောက်တွင်၊ အောင်မြင်ခြင်းနှင့်ချီးမွမ်းခြင်းကို ပေါက်စေတော်မူလိမ့်သတည်း။