13
1-2 ပရောဖက်ဖြစ်သူသော်လည်းေကာင်း၊ အိပ်မက်ကိုမြင်သူသော်လည်းေကာင်း၊ သင်တို့ဘောင်တွင်ပေါ်ထွန်းရာ၊ သင်တို့မသိဘူးသောဘုရားများကိုရည်လျက်၊ အခြားဘုရားများနောက်သို့ လိုက်ေလျှာက်ဝတ်ပြုကြ ကုန်အံ့ဟူ၍၊ ပေးသောသက်သေနိမိတ်လက္ခဏာထင်ရှားသော်လည်း၊
3 ထိုပရောဖက်၊ ထိုမြင်မက်သူ့စကားကို မနာမယူကြရ။ အသို့ဆိုသော်၊ သင်တို့ဘုရားသခင်ထာဝရ ဘုရားသည် စိတ်နှလုံး၊ အသက်ဝိညာဉ်အကြွင်းမဲ့၊ ကိုယ်တော်အားချစ်ကြည်မြတ်နိုးခြင်း ရှိ မရှိ သိအံ့သောငှာ၊ စုံစမ်းတော်မူသတည်း။
4 သင်တို့ဘုရားသခင်ထာဝရဘုရားနောက်တော်သို့ လိုက်ေလျှာက်၍၊ ကိုယ်တော်ကိုခန့်ညားစွာ ဝတ်ပြုဆည်းကပ်လျက်၊ မိန့်မှာတော်မူချက်များကိုလည်း နာယူစောင့်ရှောက်ကြလော့။
5 ထိုပရောဖက်၊ ထိုမြင်မက်သူသည် သင်တို့လိုက်ေလျှာက်ရန် သင်တို့ဘုရားသခင်ထာဝရဘုရား မိန့်မှာတော်မူသောလမ်းမှဖယ်စေခြင်းငှါ၊ ကျွန်ခံနေရာအိဂျစ်ပြည်က ရွေးနုတ်ထုတ်ဆောင်တော်မူခဲ့ သော သင်တို့ဘုရားသခင်ထာဝရဘုရားနှင့် စပ်လျဉ်းသည့်ေဖာက်ပြန်ခြင်းစကားကို ထွက်ဆိုပြီဖြစ် သောကြောင့် သေဒဏ်ခံစေ။ သို့မှ၊ သင်တို့ဘောင်တွင်ရှိသော ဆိုးသွမ်းခြင်းကို ကျွမ်းလောင်ရာ ရောက်လိမ့်မည်။
6-7 တစ်မိသား ညီအစ်ကို၊ သား၊ သမီး၊ သိမ်းပိုက်သောမယား၊ အသက်ထပ်တူအဆွေတစ်စုံ တစ်ယောက်က၊ သင်တို့ပတ်ဝန်းကျင်ရှိ နီးစပ်သောလူမျိုး၊ မြေကြီးတစ်စွန်းမှတစ်စွန်းတိုင်အောင် ဝေးကွာသောလူမျိုးတို့ဘုရားများအနက်၊ ဘိုးဘေးတို့မှစ၍ သင့်ကိုယ်တိုင်မသိဘူးသော ဘုရား များကိုရည်လျက်၊ အခြားဘုရားများထံတိုးဝင်ဝတ်ပြုကြကုန်အံ့ဟု လျှို့တဝှက်တိုက်တွန်းလျှင်၊
8 မလိုက်လျော၊ မနာယူနှင့်။ မျက်စောင်းဖြင့်ညှာတာစာနာခြင်းကင်းလျက်၊ မဝှက်ထားဘဲ
9 ကိုယ်တိုင်လက်ရောက်ပြုပြီးမှ တစ်မျိုးလုံးလက်ရောက်ပြုသဖြင့်၊ သေဒဏ်ခံစေ။
10 ကျွန်ခံနေရာအိဂျစ်ပြည်က ထုတ်ဆောင်တော်မူခဲ့သော၊ သင်၏ဘုရားသခင်ထာဝရဘုရားထံမှ သွေးဆောင်ရန်ရှာကြံသောကြောင့်၊ ခဲပစ်သတ်ဒဏ်ခတ်လော့။
11 ဣသရေလတစ်မျိုးလုံးလည်း ကြားသိကြောက်ရွံ့လျက် ထိုဆိုးသွမ်းမှုအလိုက် ပြုတော့မည် မဟုတ်ချေ။
12-13 သင်တို့မသိဘူးသောဘုရားများကို ရည်လျက်၊ အခြားဘုရားများထံ တိုးဝင်ဝတ်ပြုကြကုန် အံ့ဟူ၍ ဆိုကြသောတရားမဲ့သူတို့သည်၊ သင်တို့ဘောင်မှ ထွက်ခွာသဖြင့် ကိုယ့်မြို့သူမြို့သားတို့ကို သွေးဆောင်ကြပြီဟု နေထိုင်ရာအဖြစ်၊ သင်တို့ဘုရားသခင်ထာဝရဘုရား ပေးသနားတော်မူခဲ့ပြီး မြို့တစ်မြို့နှင့်စပ်လျဉ်းသောအကြောင်းသတင်းကိုကြားမိလျှင်၊
14 ရှာဖွေမေးမြန်းစိစစ်သည့်အတိုင်း၊ သင်တို့ဘောင်တွင် ထိုရွံရှာဖွယ်အမှုပြုကျင့်ကြသည်ကို သေချာမှန်ကန်စွာတွေ့သော်၊
15 ထိုမြို့ကိုမြေလှန်၍၊ ရှိနေသမျှသောမြို့သူမြို့သားတို့နှင့်တကွ တိရစ္ဆာန်များပါ ဓားေဘးသင့် စေပြီးနောက်၊
16 ဥစ္စာပစ္စည်းဟူသမျှကိုလည်း မြို့လမ်းဆုံတွင်စုပုံ၍၊ သင်တို့ဘုရားသခင်ထာဝရဘုရားရှေ့ မြို့ပါ အကုန်အစင်မီးတိုက်ကြလော့။ နောက်တစ်ဖန်မပြုစုရ၊ မြို့ဆိုးကုန်းအမြဲဖြစ်ရမည်။
17-18 ယနေ့ငါဆင့်ဆိုသမျှသော သင်တို့ဘုရားသခင်ထာဝရဘုရား၏ပညတ်များကို နာယူစောင့် ရှောက်လျက်၊ မျက်မှောက်တော်တွင် ဖြောင့်မှန်စွာပြုကျင့်ကြသည့်ကာလ သင်တို့အပေါ်၌ကရုဏာရှိ သဖြင့် သနား၌တိုးပွားစေမည်ဟု ဘိုးဘေးတို့အား သစ္စာဆိုတော်မူခဲ့သည့်အလျောက်၊ အမျက်တော် ရှိန်ကိုငြိမ်းစေတော်မူအံ့သောငှာ မြေလှန်ဖွယ်အရာမည်သည်ကိုမျှ လက်မလွှတ်ဘဲမနေကြလင့်။